មាន​បទពិសោធន៍​ទើប​គេ​ឱ្យ​ការ​ធ្វើ តែ​មិន​ដែល​ធ្វើ​ការ​ផង​បាន​បទពិសោធន៍​ពី​ណា​មក ?គិតម៉េច? – Kampuchea Thmey Daily
Connect with us

អាជីព

មាន​បទពិសោធន៍​ទើប​គេ​ឱ្យ​ការ​ធ្វើ តែ​មិន​ដែល​ធ្វើ​ការ​ផង​បាន​បទពិសោធន៍​ពី​ណា​មក ?គិតម៉េច?

Published

on

ពិតណាស់ វា​មិន​ងាយស្រួល​ទេ​ក្នុងការ​ស្វែងរក​ឱកាស​ការងារ​ពេល​យើង​គ្មាន​បទពិសោធន៍ ប៉ុន្តែ​វា​អាចធ្វើ​ទៅបាន​។ ចូរ​មាន​សុទិដ្ឋិនិយម​ណា៎​មិត្ត​អ្នកអាន​កម្ពុជា​ថ្មី ​Plus ។​

​យើង​មិនចាំបាច់​មានបទពិសោធន៍​ក្នុង​ការបង្កើត​ស្នាមញញឹម និង​ការព្យាយាម​ឱហាត​បំពេញការងារ​រស់​រវើក​នោះទេ វា​ជា​ចរិត​មនុស្ស​ ហើយ​ចរិត​នេះឯង​កំពុង​ត្រូវបាន​ស្វែងរក​ដោយ​ក្រុមហ៊ុន​ជាច្រើន​។​

​ជំនា​ញ អាច​បណ្តុះ​បាន ឱកាស​អាច​ឱ្យបាន តែ​ចរិត​មិនអាច​កែ​បានទេ​! ដែល​ឮ​ពាក្យ​នេះ​អត់​?

របៀប​រក​ការងារ​ដំបូង​ទាំង​គ្មាន​បទពិសោធន៍​

មិន​ថា​យើង​រៀន​ជា​មេធាវី ពេទ្យ​ជំនាញ អ្នកសារព័ត៌មាន​ចេញពី​សាលា មាន​សញ្ញាបត្រ ឬ​ជា​កំពូល​ចុងភៅ អ្នកបង្កើត​នំ​បញ្ចុក​ចេញពី​ម្សៅដំឡូង​ជ្វា សំណួរ​អំពី​រយៈពេល​បទពិសោធន៍ និង​ក្រុមហ៊ុន​ចាស់​ជា​សំណួរ​ដែល​គេច​មិនបាន ​ប្រសិន​យើង​ចង់បាន​ការងារ​ធ្វើ។

​ប្រសិនបើ គ្មាន​បទពិសោធន៍​បានន័យថា ប្រវត្តិរូប​ការងារ​យើង​មិន​ពេញលេញ ​ដែល​ពិបាក​នឹង​ទទួល​បានការ​ណាត់ជួប​សម្ភាសន៍​។​

​វិធី​ត្រង់​ណា​គឺ មិន​ពិបាក​ទេ​ក្នុងសម័យ ​Internet ជំនាញ​ផ្នែក​ទន់ Soft Skill ដែល​គេ​អាច​ហៅថា បំណិន​ជីវិត មិន​ទាក់ទង​នឹង​ព័ត៌មាន​ការងារ​អតីតកាល ឬ​ចំណេះដឹង​ជាក់លាក់ សញ្ញាប័ត្រ ពាក្យ​ធានា​អ្វី​ទាំងអស់ គឺ​គេ គិតពី​ឥរិយាបថ សម្តីសម្តៅ និង​ចំណេះដឹង​សង្គម​ដែល​យើង​កំពុងមាន​ថា​តើ​ត្រូវ​នឹង​ទីផ្សារ​បច្ចុប្បន្ន​របស់គេ​ដែរ​ទេ​?

​ដូច្នេះ​! ចូរ​កុំ​រង់ចាំ ទម្រាំ​មានការ​ងារ​ធ្វើ​ទើប​បង្កើត​បទពិសោធន៍​។ ពង្រឹង Soft Skill ចាប់ពីពេលនេះ ដោយ​ចូល​អាន KPT plus រាល់ៗ​ថ្ងៃ តាមដាន​៖

១ បម្លាស់ប្តូរ​យ៉ាង​លឿន​នៃ​ល្បឿន​សង្គម តិច​ណូ​ឡូ​ជី បណ្តាញ​ប្រជាសាស្ត្រ ចរិតលក្ខណៈ​ទីផ្សារ បច្ចេកទេស​លើ​អន​ឡាញ និង ចិត្តសាស្ត្រ​មនុស្ស​ពេញកម្លាំង​ដែល​យើង​ត្រូវ​ធ្វើការ​ជាមួយ​។​

២ បង្វឹក​ការប្រើ​ភាសាជាតិ និង​បរទេស មាន​អង់គ្លេស ចិន ជប៉ុន​ថៃ តាម​ទេពកោសល្យ​ជាក់ស្តែង​ប្រកបដោយ​ការតាំង​ចិត្ត​ខ្ពស់​។​

​ជំនាញ​ទន់​អាច​ពិបាក​រៀន តែ​គ្មាន​អ្វីមួយ​ដែល​មនុស្ស​រៀន​មិនកើត​ទេ យើង​ចាប់ផ្តើម​មួយ​ជំហានៗ​ដូចជា​  ការគ្រប់គ្រង​ពេលវេលា​ដ៏​ល្អប្រសើរ​  វិធីសាស្ត្រ​និយាយ​ឱ្យមាន​ឥទ្ធិពល និង​ការបង្កើត​លក្ខណៈពិសេស​របស់ របស់​ខ្លួនឯង ហើយ​បង្ហាញ​វា​ទៅក្នុង​ទីផ្សារ​តាមរយៈ​បណ្តាញ​សង្គម​ដែល​មិន​គិតថ្លៃ ដើម្បីឱ្យ​អ្នកផង​ចង់បាន​យើង​។​

៣ ការងារ​ក្រៅ​ម៉ោង​ឬ​ស្ម័គ្រចិត្ត​  ការងារ​នេះ​អាច​បាន​លុយ​តិចតួច ឬ មិនបាន​លុយ​សោះ តែ​វា​បាន​បទពិសោធន៍​។ ប្រសិនបើ​ទើបតែ​ចេញពី​មហាវិទ្យាល័យ​ឬ​កំពុង​រៀន សូម​ព្យាយាម​រកមើល​សកម្មភាព​នៅ​សាលា សមាគម​ឬ​ក្រុម​ណាមួយ​  ចូល​ក្រុម​លក់​ចល័ត សរុប​មកវិញ​ធ្វើ​អ្វីមួយ​នៅក្នុង​វិស័យ​ណា ដែល​យើង​គិត​ចង់​បង្កើតជា​អាជីព ដើម្បី​ចាប់យក​ចំណាប់អារម្មណ៍​ពី​ក្រុម​និយោជក ។ ​មិន​ថា​យើង​ត្រូវបាន​ជួល​ឬ​អត់​សូម្បី​បង្កើត​ក្រុមហ៊ុន​ផ្តល់​សេវាកម្ម​ខ្លួនឯង​ក៏​សឹង​ទៅរួច​បាន ព្រោះ​យើង​មាន​បទពិសោធន៍​ស្រេច​ទៅហើយ៕

ប្រែសម្រួល៖ Mr Tomorrow​

ចុចអាន៖ នៅជាមួយចៅហ្វាយប្រភេទនេះ ជីវិតកុំសង្ឃឹមបានថ្កើង

ចុចអាន៖ គន្លឹះជួយកុំឱ្យ «បុកពោះ» ដំណាក់កាល​សាកល្បងការងារ៣ខែដំបូង

ចុច Like Facebook កម្ពុជាថ្មី

ព័ត៌មានពេញនិយម