អាជីព
ជំនាញទំនាក់ទំនង៖ កសាងមិត្តភាពល្អនៅកន្លែងធ្វើការ
ការកសាងវប្បធម៌ល្អក្នុងទំនាក់ទំនងជាមួយមិត្តរួមការងារ ពិតជាសំខាន់។ កន្លែងធ្វើការ ប្រៀបបាននឹងផ្ទះ រីឯមិត្តរួមការងារ ប្រៀបដូចបងប្អូន។ ពួកយើងត្រូវការជំនួយគ្នាទៅវិញទៅមក ទើបទទួលលទ្ធផលល្អ ក៏ដូចជាកសាងទំនាក់ទំនងក៏កាន់តែស្អិតរមួត។
១. ចេះស្ដាប់គ្នាទៅវិញទៅមក
![](https://kampucheathmey.com/wp-content/uploads/2021/01/two-asian-business-women-having-meeting-with-laptop-modern-office_50889-93.jpg)
ចេះស្ដាប់អ្នកដទៃ មិនថាការជជែក ឬរយោបល់ នាំឱ្យធ្វើការបានយូរ។ មនុស្សម្នាក់ៗតែងមានវិធីក្នុងការឆ្លើយតបទៅនឹងបុគ្គលដែលពិតជាចង់ស្តាប់នូវអ្វីដែលខ្លួននិយាយ។ នៅពេលចៅហ្វាយឬមិត្តរួមការងារកំពុងនិយាយជាមួយ សូមយកចិត្តទុកដាក់ស្ដាប់ ពួកគេនឹងចាត់ទុកអ្នកថា ជាមនុស្សទៀងត្រង់ គួរឱ្យទុកចិត្ត និងផ្ដល់ការគោរពមកវិញ។
២. ធ្វើការគួរសមសាមញ្ញៗ
ការអនុវត្តការគួរសមសាមញ្ញដូចជាការនិយាយថា “អរុណសួស្ដី” នៅពេលព្រឹក ការសំឡឹងមើលភ្នែកនៅពេលជជែក ឬញញឹមញញែម ពិតជាអាចជួយដល់ការកសាងទំនាក់ទំនងល្អជាមួយមិត្តរួមការងារ។ ការគួរសមដោយសាមញ្ញៗត្រូវបានគេចាត់ទុកជាផ្នែកមួយដ៏សំខាន់ដែលគួរបន្តអនុវត្តឲ្យបានរាល់ថ្ងៃ។
៣. រក្សាឥរិយាថវិជ្ជមាន
![](https://kampucheathmey.com/wp-content/uploads/2021/01/two-asian-business-women-having-meeting-with-laptop-modern-office_50889-92.jpg)
គ្មាននរណាម្នាក់ចូលចិត្តនៅជាមួយបុគ្គលដែលតែងតែមានអាកប្បកិរិយាអវិជ្ជមានទៅកាន់អ្នកជុំវិញខ្លួនគេនោះទេ។ ដូច្នេះ ប្រសិនបើចង់ឲ្យមិត្តរួមការងាររាប់អាន គួររក្សាខ្លួនជាបុគ្គលដែលមានគំនិតវិជ្ជមាន ពាក្យសម្ដីសមរម្យ និងអាកប្បកិរិយាល្អជានិច្ច។
៤. បុគ្គលផ្សេងៗគ្នា ប្រើវិធីទាក់ទងខុសគ្នា
បុគ្គលផ្សេងគ្នាតែងចូលចិត្តវិធីសាស្រ្តក្នុងការទំនាក់ទំនងផ្សេងៗពីគ្នា។ មិត្តរួមការងារមួយចំនួនប្រហែលជាចូលចិត្តទំនាក់ទំនងតាមរយៈអ៊ីម៉ែល ព្រោះវាផ្តល់នូវកំណត់ត្រាជាលាយលក្ខណ៍អក្សរ ខណៈពេលដែលអ្នកខ្លះទៀតអាចចូលចិត្តការនិយាយទូរសព្ទ ដើម្បីឱ្យវាកាន់តែងាយស្រួល។ ដូច្នេះ គួរប្រើមធ្យោបាយទំនាក់ទំនងណាដែលមិត្តរួមការងារ ទម្លាប់ប្រើដើម្បីទាក់ទាញនូវចំណាប់អារម្មណ៍របស់ពួកគេ។
៥. ចេះគោរពសិទ្ធអ្នកដទៃ
![](https://kampucheathmey.com/wp-content/uploads/2021/01/two-asian-business-women-having-meeting-with-laptop-modern-office_50889-98.jpg)
នរណាៗក៏ត្រូវការពេលវេលា និងសិទ្ធិផ្ទាល់ខ្លួនដែរ។ ការមិនគោរពព្រំដែនផ្ទាល់ខ្លួនអាចជាមធ្យោបាយមួយដែលបំផ្លាញទំនាក់ទំនងពិបាកប៉ះប៉ូវ។ ដោយហេតុផលនេះ ត្រូវដឹងពីព្រំដែនផ្ទាល់ខ្លួនរបស់អ្នកដទៃ ដូច្នេះអ្នកនឹងមិនបំពានព្រំដែនគេនោះទេ។
៦. តែងតែលើកសរសើរមនុស្សជុំវិញខ្លួន
គ្រប់គ្នារមែងចង់ទទួលបានការកោតសរសើរចំពោះការងាររបស់ខ្លួន ទោះបីតិចតួចក្ដី។ ដូច្នេះ គួរចេះកោតសរសើរសម្រាប់ការខិតខំរបស់មិត្តរួមការងារ។ សូម្បីតែការនិយាយថា “សូមអរគុណ” ក៏អាចចាត់ទុកថាជាការកោតគោរពដែរ។ ការធ្វើបែបនេះអាចធ្វើឱ្យមានការគោរពគ្នាទៅវិញទៅមកនៅក្នុងកន្លែងធ្វើការ៕
ប្រែសម្រួល៖ សន្យា
ប្រភព៖ Entrepreneur
ចុចអាន៖ មូលហេតុដែលមិនគួរយកមិត្តភក្ដិ មកចូលធ្វើការជាមួយ ឬមកជាកូនចៅ
ចុចអាន៖ តាមពិត ជោគជ័យ ឬបរាជ័យក្នុងអាជីព អាចទស្សន៍ទាយដឹងមុនបាន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
សន្តិសុខសង្គម២ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?