កីឡា

លោក ជា ប៊ុនហេង៖ ការហ្វឹកហាត់កីឡាករ-កីឡាការិនីទូកទាំងអស់ មានការរីកចម្រើនខ្លាំង

បានផុស

៤ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

លោក ជា ប៊ុនហេង អគ្គលេខាធិការស ហព័ន្ធកីឡាទូកកានូ និងរ៉ូអ៊ីងកម្ពុជា នៅព្រឹកថ្ងៃទី១០ ខែវិច្ឆិកា ឆ្នាំ២០២០នេះ បានអញ្ជើញចុះសួរសុខទុក្ខ និងចែកសម្ភារហ្វឹកហាត់ដល់កីឡាករ-កីឡាការិនី ជម្រើសជាតិឈុតធំ និងថ្នាលទូកកម្ពុជានៅក្រុងតាខ្មៅ ខេត្តកណ្តាល ដែលកំពុងហ្វឹក ហាត់ជាប្រចាំត្រៀមខ្លួនចូលរួមការប្រកួតជាតិ និងអន្តរជាតិនាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានមានប្រសាសន៍ថា កីឡាករ-កីឡាការិនីទូកទាំងអស់ របស់ក្រសួងមហាផ្ទៃពិតជាសប្បាយរីករាយយ៉ាងខ្លាំង ចំពោះការជួយគាំទ្រនិងការឧបត្ថម្ភពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអ៊ីងកម្ពុជា ។ សម្រាប់ច្រវាទូកថ្មីនេះ ជាច្រវាកម្រិតអន្តរជាតិ មានគុណភាពខ្ពស់ ដោយឧបត្ថម្ភទាំងស្រុងសម្តេចក្រឡាហោម ស ខេង។

លោកបានបន្តថា តាមសង្កេតឃើញ កីឡាករ-កីឡាការិនីទូកទាំងអស់ប្រឹងហ្វឹកហាត់មានការរីកចម្រើនខ្លាំង ហើយពេលនេះ លោកកំពុងស្នើសុំប្រភេទកីឡាទូកនាគ សម្រាប់ចូលរួមព្រឹត្តិការណ៍កីឡា SEA GAMES ឆ្នាំ២០២១ លើកទី៣១ នៅប្រទេសវៀតណាម និងSEA GAME S ២០២៣ ដែលកម្ពុជានឹងធ្វើម្ចាស់ផ្ទះ៕