កីឡា

សិក្ខាកាមកីឡាឡើងភ្នំ ទទួលលទ្ធផលល្អ ក្រោយបញ្ចប់វគ្គបណ្តុះបណ្តាល

បានផុស

៤ years មុន

នៅ

ថ្ងៃពុធ ១១ វិច្ឆិកា ២០២០

ដោយ

វគ្គបណ្ដុះបណ្ដាលមន្ត្រីរៀបចំការប្រកួត និងចៅក្រមកម្រិតមធ្យមកីឡាឡើងភ្នំ ឆ្នាំ២០២០ ខេត្តសៀមរាប បានបញ្ចប់ដោយជោគជ័យកាលពីថ្ងៃទី០៩ ខែវិច្ឆិកា ឆ្នាំ២០២០។ សម្រាប់វគ្គនេះ រៀបចំឡើង ដោយសហព័ន្ធកីឡាឡើងភ្នំកម្ពុជា ក្រោមការឧបត្ថម្ភថវិការបស់ក្រសួងអប់រំ យុវជន និងកីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុង សេរីឌី ប្រធានមន្ទីរអប់រំ យុវជននិងកីឡា ខេត្តសៀមរាប ជាប្រធានវគ្គបាននិយាយថា សហព័ន្ធបានទទួលថវិកាគាំទ្រពីក្រសួងអប់រំ យុវជននិងកីឡា ដើម្បីពន្លឿនការអភិវឌ្ឍចាប់តាំងពីឆ្នាំ២០១៨ និងបន្តបន្ទប់មក បានធ្វើឲ្យដំណើរការរដ្ឋបាល ការបង់សមាជិកភាពទៅសហព័ន្ធអន្តរជាតិ ការបង្កើតវេបសាយ ការទ្រទ្រង់មន្ត្រីប្រចាំការ និងសម្ភាររដ្ឋបាលមានភាពងាយស្រួល និងដំណើរ ការជាប្រក្រតី។ លោកបន្តថា ចំពោះធនធានមនុស្ស យើងបានរៀបចំវគ្គបណ្ដុះបណ្ដាលគ្រូ បង្វឹកកម្រិតមូលដ្ឋាន២៥នាក់នៅឆ្នាំ២០១៨ មន្ត្រីរៀបចំការប្រកួត និង ចៅ ក្រមកម្រិតមូលដ្ឋាន២៥នាក់ នៅឆ្នាំ២០១៩ និងមន្ត្រីរៀបចំការប្រកួត និង ចៅក្រមកម្រិតមធ្យម២៥នាក់ នៅឆ្នាំ២០២០នេះ។ ធនធាន ដែលបានបណ្ដុះបណ្ដាលនេះ គឺបានទៅបម្រើនៅក្នុងវិស័យកីឡាឡើងភ្នំកម្ពុជា ឲ្យមានការរីកចម្រើនជាបន្តបន្ទាប់។ ជាក់ស្តែងមន្ត្រីរៀបចំការប្រកួត និង ចៅក្រមមុនការបណ្តុះបណ្តាល នៅរៀងរាល់ការប្រកួត យើងតែងតែពឹងផ្អែកទៅលើ មន្ត្រីបច្ចេកទេសជនជាតិជប៉ុន ប៉ុន្តែបន្ទាប់ពីការបណ្ដុះបណ្ដាល ហើយចាប់ពីឆ្នាំ២០១៩ យើងទទួល ខុសត្រូវរៀបចំការប្រកួតដោយខ្លួនឯង។

វគ្គនេះមានសិក្ខាកាមចូលរួមសរុប២៥នាក់ ស្រី០៦នាក់មកពីខេត្តសៀមរាប ២២នាក់ ខេត្តប៉ៃលិន០២នាក់ រាជធានីភ្នំពេញ០១នាក់ បង្រៀនដោយគ្រូខ្មែរ ដែលបានទៅបណ្ដុះបណ្ដាលពីសហព័ន្ធអន្តរជាតិ ហើយការបង្រៀនទ្រឹស្ដីធ្វើនៅអនុវិទ្យាល័យព្រះឥន្ទកោសានេះ ផ្នែកទ្រឹស្តីរួមមានកិច្ចការរដ្ឋបាល ការត្រៀមលក្ខណៈមុនពេលប្រកួត បទបញ្ជានៃការប្រកួត តួនាទី និងភារកិច្ចរបស់មន្ត្រីរៀបចំការប្រកួត និង ចៅក្រម រីឯការអនុវត្តធ្វើនៅជញ្ជាំងអង្គរភ្នំខ្លែម និងបានធ្វើការប្រឡង ដើម្បីវាយតម្លៃបញ្ចប់វគ្គ។ ឆ្លងតាមវគ្គ និងការប្រឡងជាលទ្ធផលយើងទទួលបាន៖ លទ្ធផលល្អណាស់ចំនួន០២នាក់ លទ្ធផលល្អចំនួន១៦នាក់ លទ្ធផលមធ្យមចំនួន០៦នាក់ និងខ្សោយ ០១នាក់៕