កីឡា

ការប្រកួតកីឡាសិស្សបឋមសិក្សាថ្នាក់ជាតិលើកទី១ ឆ្នាំ២០២០ ត្រូវលើកទៅខែធ្នូវិញ

បានផុស

៤ years មុន

នៅ

ថ្ងៃសៅរ៍ ១៤ វិច្ឆិកា ២០២០

ដោយ

រដ្ឋមន្ត្រីក្រសួងអប់រំយុវជន និង កីឡា លោក ហង់ ជួន ណារ៉ុន បានសម្រេចលើកពេលនៃការប្រកួតកីឡាជាតិ សម្រាប់សាលាកម្រិតបឋមសិក្សាទៅខែធ្នូវិញ បន្ទាប់ពីព្រឹត្តិការណ៍ថ្ងៃទី៣វិច្ឆិកាមកនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការគ្រោងទុកព្រឹត្តិការណ៍នេះ នឹងធ្វើឡើងចាប់ពីថ្ងៃទី២០ទៅ២៩វិច្ឆិកា តែបន្ទាប់ពីព្រឹត្តិការណ៍រាល់សកម្មភាពជួបជុំនានា ត្រូវធ្វើដោយប្រុងប្រយ័ត្ន និង គោរពតាមការណែនាំរបស់ក្រសួងសុខាភិបាល និងរក្សាគម្លាតសុវត្ថិភាពរវាងគ្នានឹងគ្នាឲ្យបានល្អ។ នៅថ្ងៃទី១៣វិច្ឆិកាលោករដ្ឋមន្ត្រីក្រសួងអប់រំយុវជននិងកីឡា បានចុះហត្ថ លេខាផ្ញើទៅប្រធានមន្ទីរអប់រំយុវជន និង កីឡាគ្រប់រាជធានីខេត្តទូទាំងប្រទេសថា ការប្រកួតកីឡាបឋមសិក្សាថ្នាក់ជាតិទូទាំងប្រទេស នឹងធ្វើចាប់ពីថ្ងៃទី៧ដល់ថ្ងៃទី១៦ ខែធ្នូ ឆ្នាំ២០២០វិញ ។

នេះជាការពន្យារពេលលើកទី២ហើយសម្រាប់ព្រឹត្តិការណ៍នេះ ដោយសារតែការរំខាននៃមេរោគកូវីដ ១៩ ដែលតាមកាលវិភាគប្រកួតគ្រោងនឹងចាប់ផ្ដើមពីថ្ងៃទី២៥ មីនាដល់ថ្ងៃទី៣ខែមេសា២០២០ ។

លោក ដួង មាសចំរើនប្រធាននាយកដ្ឋានអប់រំកាយ និង កីឡាសិស្សនិស្សិត បានប្រាប់ឲ្យដឹងថា កីឡាចំនួន៨ ប្រភេទនឹងដាក់ឲ្យប្រកួតនោះ មានប្រភេទកីឡាបាល់ទះ ប្រភេទ បាល់បោះ បាល់ ទាត់ អត្តពលកម្ម វាយសី វាយកូនឃ្លីលើតុ តេក្វាន់ដូWT(World Taekwondo) និងតេក្វាន់ដូITF(International Taek wondo Federation)។ ទីលានចំនួន៤ ក្នុងនោះមានទីលានក្នុងពហុកីឡដ្ឋានជាតិអូឡាំពិក វិទ្យាស្ថានជាតិអប់រំកាយ និងកីឡាវិទ្យាល័យច្បារអំពៅ និងវិទ្យាល័យបឹងកេងកង ៕

អត្ថបទ៖ វិសិទ្ធ

សូមចុចអាន៖ NOCCរៀបចំកម្មវិធីកីឡាដើម្បីទាំងអស់គ្នាក្រោមប្រធានបទ “ប្រជាជនម្នាក់លេងកីឡាមួយមុន”នៅខេត្តកំពង់ធំ