កីឡា
ក្រុមខេត្តព្រៃវែង ឡើងឈរកំពូលតារាងលីគទី២ បណ្ដោះអាសន្នវិញក្រោយប្រកួតសង យកឈ្នះលើខេត្តកំពង់ស្ពឺ
ពានរង្វាន់លីគលំដាប់ទី២ (Cambodian 2nd League) ឆ្នាំ២០២០ ដែលមានសមាជិកចំនួន១០ក្រុមរៀបចំឡើងដោយសហព័ន្ធកីឡាបាល់ទាត់កម្ពុជា (ស.ប.ក) បានបញ្ចប់ការប្រកួតក្នុងសប្ដាហ៍ទី៥ពេញលេញហើយ ខណៈក្រុមខេត្តព្រៃវែង បានឡើងឈរកំពូលតារាងបណ្ដោះអាសន្នសិន ទោះបីមានពិន្ទុស្មើគ្នាជាមួយក្រុមបាល់ទាត់យុវជនកងយោធពលខេមរភូមិន្ទ (TIFFI Army U21)ខណៈក្រុមទាំង២មិនទាន់ស្គាល់ពាក្យបរាជ័យ ទាល់តែសោះដូចគ្នា។
តាមពិតដោយកម្មវិធីប្រកួតលីគទី២ ជាន់គ្នានឹងថ្ងៃប្រកួតវគ្គដណ្តើមចំណាត់ថ្នាក់លេខ៣ក្នុងពានរង្វាន់សម្តេចតេជោ ហ៊ុន សែន ឆ្នាំ២០២០ គឺនៅថ្ងៃទី៧ ខែវិច្ឆិកា ឆ្នាំ២០២០ ដែលក្រុមព្រៃវែង ជួបក្រុមភ្នំពេញក្រោន ទើបកម្មវិធីប្រកួតរវាងក្រុមព្រៃវែង ជួបខេត្តកំពង់ស្ពឺ ត្រូវបានគណៈកម្មការប្រកួតសម្រេចលើកពេលប្រកួតបណ្ដោះអាសន្នសិន ខណៈ៤គូផ្សេងទៀត បានបញ្ចប់កម្មវិធីប្រកួតសប្ដាហ៍ទី៥រួចរាល់អស់ហើយ។
ប្រកួតសងរវាងក្រុមខេត្តព្រៃវែង និងខេត្តកំពង់ស្ពឺ បានរៀបចំឡើងនៅវេលាម៉ោង៣:៣០នាទីល្ងាចថ្ងៃពុធ ទី២៥ ខែវិច្ឆិកា ឆ្នាំ២០២០ លើទីលានកីឡដ្ឋានវិទ្យាល័យខេត្តកំពង់ស្ពឺ។ ជាលទ្ធផលក្រុមខេត្តព្រៃវែង បានយកឈ្នះលើម្ចាស់ផ្ទះខេត្តកំពង់ស្ពឺ ២ទល់០។ គ្រាប់បាល់ជ័យជម្នះនេះរកបានដោយកីឡាករ សើ រ៉ូស្សា នៅនាទីទី១៨ និងកីឡាករ ស សាមុត នៅនាទី៥៤។ ដូច្នេះក្រុមខេត្តព្រៃវែង ឡើងឈរកំពូលតារាង ព្រោះមានប្រៀបពិន្ទុច្រើនជាងក្រុម TIFFI Army U21 ទោះមានពិន្ទុស្មើគ្នា។
សម្រាប់គម្រោងប្រកួតបន្ទាប់នៅសប្ដាហ៍ទី៦ នឹងធ្វើឡើងនៅថ្ងៃទី២៨ ខែវិច្ឆិកា ចុងសប្ដាហ៍នេះនៅវេលាម៉ោង៣:៣០នាទីដំណាលគ្នា ដោយក្រុមយុវជនទ័ព ប៉ះក្រុមខេត្តកំពង់ស្ពឺ នៅលើទីលានស្តាតចាស់ ហើយក្រុមឬទ្ធិសែន ទទួលក្រុមខេត្តកោះកុង នៅទីលានវិទ្យាល័យ ហ៊ុន សែន កំពង់ត្រឡាច ខេត្តកំពង់ឆ្នាំង ក្រុមខេត្តត្បូងឃ្មុំ ជួបក្រុមសៀមរាបអែហ្វស៊ី នៅទីលានវិទ្យាល័យព្រះសីហនុ ខេត្តត្បូងឃ្មុំ ក្រុមអាយអេសអាយ ដង្កោសែនសុខ ជួបក្រុមខេត្តព្រៃវែង នៅទីលាន ខេ អឹម អេច ក្នុងរាជធានីភ្នំពេញ និងក្រុមភ្នំពេញក្រោន ប៉ះខេត្តស្វាយរៀង នៅកីឡដ្ឋាន Smart RSN Stadium។
ពានរង្វាន់លីគទី២ឆ្នាំ២០២០ នេះ ដំណើរការពីថ្ងៃទី៣ ខែតុលា ដល់ថ្ងៃទី២៧ ខែធ្នូ ឆ្នាំ២០២០ ដោយមានក្រុមបាល់ទាត់ចំនួន១០ក្រុមបានចុះឈ្មោះចូលរួមប្រកួត ដូចជាកោះកុងអែហ្វស៊ី,ខេត្តកំពង់ស្ពឺ,ខេត្តព្រៃវែង, ឬទ្ធិសែន,ខេត្តត្បូងឃ្មុំ,U21ភ្នំពេញក្រោន, អាយអេសអាយ ដង្កោសែនជ័យ, សៀមរាបអែហ្វស៊ី,ខេត្តស្វាយរៀង និង TIFFI Army U21។
សូមបញ្ជាក់ថា ពានរង្វាន់លីគលំដាប់ទី២ បានចាប់ផ្ដើមជាលើកដំបូងកាលពីឆ្នាំ២០១៦ ដោយកាលនោះមាន ៩ក្រុមចូលរួមប្រកួត ហើយជើងឯក គឺបានទៅក្លឹបគីរីវង់សុខសែនជ័យ។ នៅឆ្នាំ២០១៧ មាន ៧ក្រុមចូលរួមប្រកួត ហើយជើងឯក គឺបានទៅក្លឹបវិសាខា។ ក្រោយមកទៀត នៅឆ្នាំ ២០១៨ និង ២០១៩ សហព័ន្ធកីឡាបាល់ទាត់កម្ពុជា មិនបានរៀបចំព្រឹត្តិការណ៍នេះឡើងនោះទេ៕
អត្ថបទ៖ ម៉េង ហួរ
សូមចុចអាន៖ ការប្រកួតកីឡា អត្តពលកម្មជើងឯក ថ្នាក់ជាតិឆ្នាំ២០២០ ចាប់ផ្តើមប្រកួតជាផ្លូវការហើយ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ជីវិតកម្សាន្ដ១៩ ម៉ោង agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា