កីឡា

មិនអនុញ្ញាតឲ្យជនបរទេសមកពីក្រៅប្រទេសចូលរួមទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្តនៅខេត្តសៀមរាបទេ

បានផុស

៤ years មុន

នៅ

ថ្ងៃពុធ ៦ មករា ២០២១

ដោយ

ភ្នំពេញ ៖ ទិវារត់ប្រណាំងអន្តរជាតិពាក់កណ្តាលម៉ារ៉ាតុងនៅអង្គរវត្តនៅខេត្តសៀមរាប ត្រូវបានគណៈកម្មការរៀបចំការប្រកួត ប្រកាសជាផ្លូវការរៀបចំឡើងវិញ នាចុងខែ មករា ឆ្នាំ២០២១ បន្ទាប់ពីពន្យារពេលដែលគ្រោងរៀបចំការប្រកួតថ្ងៃទី០៦ ខែធ្នូ ឆ្នាំ២០២០ ដោយសារកូវីដ-១៩ ព្រឹត្តិការណ៍សហគមន៍២៨ វិច្ឆិកា ត្រូវបានបញ្ចប់ជាស្ថាពរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានមានប្រសាសន៍ថា គណៈកម្មការបាននឹងរៀបចំទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្ត លើកទី២៥ នៅខេត្តសៀមរាប នាថ្ងៃទី២៤ ខែមករា ឆ្នាំ២០២១ខាងមុខ ។ សម្រាប់ទិវារត់ប្រណាំងនេះ យើងមិនអនុញ្ញាតឲ្យជនបរទេសដែលមកពីក្រៅប្រទេសចូលរួមឡើយ ដោយអនុញ្ញាតឲ្យជនបរទេសដែលរស់នៅក្នុងប្រទេសតែប៉ុណ្ណោះ។

លោកបានបន្តថា ចំពោះជនបរទេសក្នុងប្រទេសរួមមានសមាជិកទូត និងអង្គការនានា ព្រមទាំងប្រជាជនកម្ពុជាយើង។ គ្រោងការនេះ អាចមានការប្រែប្រួលប្រសិនបើមានការណែនាំរបស់រាជរដ្ឋាភិបាល និង ក្រសួងសុខាភិបាល នោះយើងអាចមិនធ្វើតាមផែនការឡើយ។ ចំណែកអ្នកចូលរួមយើងមិនអាចកំណត់ចំនួនបានឡើយ ដូច្នេះគណៈកម្មការរង់ចាំំការសម្រេចចិត្តរបស់ក្រសួងសុខាភិបាលជាអ្នកកំណត់ ដើម្បីប្រយុទ្ធប្រឆាំងមេរោគឆ្លង COVID-19៕

ដោយ ៖ វិសិទ្ធ