កីឡា

ក្លិបរាំភ្នំដូនពេញ គ្រងតំណែងជើងឯកថ្នាក់ជាតិឆ្នាំ២០២០ ក្រោយដណ្តើមមេដាយមាស៩គ្រឿង

បានផុស

៤ years មុន

នៅ

ថ្ងៃចន្ទ ១១ មករា ២០២១

ដោយ

Sorn Phanith

ការប្រកួតកីឡារាំជើងឯកថ្នាក់ជាតិឆ្នាំ២០២០ បានបញ្ចប់កាលពីរាត្រីថ្ងៃទី១០ ខែមករា ឆ្នាំ២០២១ ក្នុងវិមាននៃពហុកីឡដ្ឋានជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកីឡាករ-កីឡាការិនីក្លិបរាំភ្នំដូន ពេញបានគ្រងតំណែងជើងឯកនៃព្រឹត្តិការណ៍ការប្រកួតកីឡារាំជ្រើសរើសជើងឯកថ្នាក់ជាតិឆ្នាំ២០២០ បន្ទាប់ពីក្លិបនេះ ដណ្តើមមេដាយច្រើនជាងគេបំផុត ក្នុងនោះមេដាយមាសចំនួន៩គ្រឿង មេដាយប្រាក់៤គ្រឿង និងមេដាយសំរិទ្ធ ៣ គ្រឿង។ ចំណែកជើងឯករង បានទៅលើក្លិបរាំសន្ធរម៉ុក ក្នុងនោះមេដាយមាសចំនួន៥គ្រឿង មេដាយប្រាក់ ៦គ្រឿង និងមេដាយសំរិទ្ធ៧គ្រឿង ហើយចំណាត់ថ្នាក់លេខ៣ក្លិបរាំច្បារអំពៅ ក្នុងនោះមេដាយមាសចំនួន៤គ្រឿង មេដាយប្រាក់៤ គ្រឿង និងមេដាយសំរិទ្ធ៥គ្រឿង ក្លិបរាំដែលថិតនៅចំណាត់ថ្នាក់លេខ៤ គឺក្លិបមកពីខេត្តសៀមរាប ក្នុងនោះមេដាយមាសចំនួន៤គ្រឿង មេដាយប្រាក់ ២គ្រឿង និងមេដាយសំរិទ្ធ២គ្រឿង និងក្លិបរាំទួលស្វាយព្រៃ ក្នុងនោះមេដាយមាសចំនួន៣ គ្រឿង មេដាយប្រាក់៥គ្រឿង និងមេដាយសំរិទ្ធ ៥គ្រឿង។ សម្រាប់ការប្រកួតឆ្នាំនេះ មានកីឡាករ- កី ឡាការិនីចូលរួមចំនួន៣០នាក់ក្នុងនោះកីឡា ការិ នី២០នាក់ មកពី៥ក្លិបគឺក្លិបរាំសន្ធរម៉ុក ក្លិបរាំដូនភ្នំពេញ ក្លិបរាំទួលស្វាយព្រៃ ក្លិបរាំច្បារអំពៅ និងក្លិបរាំសៀមរាប ចំពោះវិញ្ញាសាអន្តរជាតិមានចំនួន១៥វិញ្ញាសា។

បើតាមការវាយតម្លៃរបស់គណៈកម្មការរៀបចំការប្រកួតបញ្ជាក់ថា ការប្រកួតជើងឯករាំឆ្នាំនេះ គ្រប់អង្គភាពពាក់ព័ន្ធបានសហការគ្នារៀបចំការ ប្រកួតនេះ ឲ្យប្រព្រឹត្តទៅដោយរលូនទៅតាមការគ្រោងទុក ប្រកបដោយភាពជោគជ័យ និងបរិយាកាសសប្បាយរីករាយ និងទទួលបានលទ្ធផលល្អប្រសើរ តាមគោលការណ៍បច្ចេកទេសប្រកប ដោយយុត្តិធម៌ និងតម្លាភាព រកឃើញនូវកីឡាករ កីឡាការិនីឆ្នើម ដែលទទួលបានជយលាភីពីការប្រកួត៕