កីឡា

សមត្ថភាព និងបច្ចេកទេសកីឡាសីដក់កម្ពុជាអាចស្វាគមន៍ក្រុមភ្លៀវសម្រាប់SEA GAMES 2023

បានផុស

៤ years មុន

នៅ

ថ្ងៃចន្ទ ១១ មករា ២០២១

ដោយ

ភ្នំពេញ ៖ ការប្រកួតជើងឯកសីដក់ថ្នាក់ជាតិដែលទើបបញ្ចប់កាលពីម្សិលមិញនេះ ត្រូវបានលោក បណ្ឌិត មាស សារិន ប្រធានសហព័ន្ធកីឡាសីដក់ និងឈិនឡូនកម្ពុជា មានប្រសាសន៍ថា ទាំងសមត្ថភាព ទាំងបច្ចេកទេស របស់កីឡាសីដក់កម្ពុជា អាចស្វាគមន៍ក្រុមភ្ញៀវសម្រាប់ការប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាទទួលរៀបចំធ្វើជាម្ចាស់ផ្ទះ។

ប្រធានសហព័ន្ធរូបនេះ បញ្ជាក់ថា នេះគឺជាការផ្តល់ឱកាសឲ្យកីឡាករ កីឡាការិនីសីដក់កម្ពុជា បញ្ចេញនូវទេពកោសល្យ សមត្ថភាព ក៏ដូចជាវាស់ស្ទង់សមត្ថភាពបច្ចេកទេសដែលអត្តពលិកម្នាក់ៗបានហ្វឹកហាត់កន្លងមក ។ ការទទួលជ័យ លាភីនាពេលនេះ ពិតជាបានមកពីការខិតខំហ្វឹក ហាត់ជាប្រចាំ មានការតស៊ូព្យាយាមគោរពវិន័យបានល្អ យកចិត្តទុកដាក់ និងគោរពតាមបទបញ្ជាបច្ចេកទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានសហព័ន្ធបានបន្តថា រាជរដ្ឋាភិបាលកម្ពុជាបានសម្រេចទទួលធ្វើជាម្ចាស់ផ្ទះក្នុងការរៀបចំប្រកួតកីឡាSEA GAMES ២០២៣ ខាងមុខនេះ ហើយដើម្បីឲ្យកីឡាសីដក់នៅព្រះ រាជាណាចក្រកម្ពុជា កាន់តែមានការរីកចម្រើនទាំងបរិមាណ និងគុណភាពទទួលបានលទ្ធផលល្អនាពេលខាងមុខនោះ យើងត្រូវខិតខំបណ្តុះប ណ្តាលថ្នាក់ថ្នាល បង្កើនបរិមាណកីឡាករ-កីឡា ការិនីតាមក្លិប សមាគមកីឡាសីដក់ឲ្យបានទូលំ ទូលាយ និងត្រូវពង្រឹងសមត្ថភាពអាជ្ញាកណ្តាល ចៅក្រម ឲ្យកាន់តែល្អប្រសើរទាំងបរិមាណ និងគុណភាព។

ជាមួយនេះ ត្រូវជំរុញឲ្យមានការរៀបចំការប្រកួតឲ្យបានច្រើន ការហ្វឹកហាត់ជាប្រចាំនៅតាមបណ្តាក្លិប សមាគម ហើយត្រូវពង្រឹងរចនាសម្ព័ន្ធគ្រប់គ្រងផ្ទៃក្នុងសហព័ន្ធ ក្លិប សមាគមទូទាំងប្រ ទេស និងត្រូវប្រឹងប្រែងស្វែងរកដៃគូអភិវឌ្ឍបន្ថែ មទៀត ដើម្បីបង្កើនព្រឹត្តិការណ៍ប្រកួតឲ្យបានច្រើនក្នុងមួយឆ្នាំតាមដែលអាចធ្វើបាន៕

ដោយ ៖ វិសិទ្ធ