កីឡា

CAMSOCបើកសន្និបាតប្រចាំឆ្នាំ និងសិក្ខាសាលាថ្នាក់ជាតិ ស្ដីពីយុទ្ធនាការអប់រំសង្គមឆ្ពោះទៅស៊ីហ្គេម-២០២៣

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

ភ្នំពេញ ៖ គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAM SOC)នៅព្រឹកថ្ងៃទី១៨មករា២០២១នេះ បានបើកសន្និបាតប្រចាំឆ្នាំ និងសិក្ខាសាលាថ្នាក់ជាតិ ស្ដីពីយុទ្ធនាការអប់រំសង្គមឆ្ពោះទៅស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ក្នុងប្រទេសកម្ពុជា នៅសណ្ឋាគារហ្គាឌិនស៊ីធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីបើកសន្និបាតប្រចាំឆ្នាំ និងសិក្ខាសាលាថ្នាក់ជាតិរបស់ CAMSOC នេះ បានប្រព្រឹត្តទៅក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និង ជាប្រធានគណៈកម្មាធិការជាតិរៀបចំការ ប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC)។

សន្និបាតប្រចាំឆ្នាំនេះ រៀបចំឡើងដើម្បីបូកសរុបសមិទ្ធផលការងារឆ្នាំ២០២០ និងលើកទិសដៅអនុវត្តបន្ដរបស់គណៈកម្មាធិការជាតិ CAMSOC ដើម្បីសម្រួចផែនការមេឆ្ពោះទៅរកភាពជោគជ័យ ក្នុងការត្រៀមខ្លួនធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រខាងលើ។ ទន្ទឹមជាមួយគ្នា ក៏មានការធ្វើបទបង្ហាញអំពីផែនការរបស់គណៈកម្មការជំនាញនីមួយៗ ដើម្បីពង្រឹងការអនុវត្តការងារឲ្យមាន ប្រសិទ្ធភាព ស្របតាមប្រតិទិន ដែលបានកំណត់ផងដែរ។

ចំពោះសិក្ខាសាលាថ្នាក់ជាតិ ស្ដីពីយុទ្ធនាការអប់រំសង្គមវិញ គឺរៀបចំផ្សព្វផ្សាយពីគុណតម្លៃស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ដែលទាមទារឲ្យមានការចូលរួមពីប្រជាពលរដ្ឋគ្រប់រូប ជាមួយយុទ្ធនាការជាច្រើនដូចជាយុទ្ធនាការ «ប្រជាជនម្នាក់ លេងកីឡាមួយមុខ» «បរិស្ថានសង្គម ដើម្បីគាំទ្រព្រឹត្តិការណ៍កីឡា» «កម្ពុជាស្អាត បដិសណ្ឋារកិច្ចល្អ» «ការរៀបចំសណ្ដាប់ ធ្នាប់ និងកាត់បន្ថយគ្រោះថ្នាក់ចរាចរណ៍» និង «ផលប៉ះពាល់ និងគ្រោះថ្នាក់គ្រឿងញៀន» ជាដើម ៕

ដោយ ៖ វិសិទ្ធ