បច្ចេកវិទ្យា

ចំនួនអ្នកប្រើ facebook កើនឡើងយ៉ាងគំហុកពេលមានជំងឺកូវីដ១៩ តែក្រុមហ៊ុនបែរជាមើលឃើញអនាគតស្រពេចស្រពិល

បានផុស

៥ years មុន

នៅ

ថ្ងៃចន្ទ ៤ ឧសភា ២០២០

ដោយ

កាលពីថ្ងៃពុធនេះបណ្ដាញសង្គមហ្វេសប៊ុកបានរាយការណ៍អំពីកំណើនដ៏ខ្លាំងនៃចំនួនការប្រើប្រាស់របស់ខ្លួន ខណៈដែលជំងឺកូវីដ១៩រាតត្បាតជាសាកលក្នុងការធ្វើបច្ចុប្បន្នភាព ប្រចាំត្រីមាសបានធ្វើឲ្យមានការកើនឡើងនៃភាគហ៊ុននៅក្នុងបណ្ដាញសង្គមមួយនេះ ទោះបីជាមានការព្រមានអំពីភាពច្របូកច្របល់នៅប៉ុន្មានខែខាងមុខទៀតនេះក៏ដោយ។

ភាគហ៊ុនបានកើនឡើងប្រហែល១០% បន្ទាប់ពី Facebook បានរាយការណ៍ពីប្រាក់ចំណេញចំនួន ៤,៩ពាន់លានដុល្លារលើប្រាក់ចំណូលដែលបានកើនឡើង ១៧% ឬស្មើនឹង១៧,៤ពាន់លានដុល្លារក្នុងរយៈពេល ៣ខែដំបូងនៃឆ្នាំនេះ។

នាយកប្រតិបត្តិក្រុមហ៊ុន លោក Mark Zuckerberg បានប្ដេជ្ញាថានឹងបន្តចាក់លុយចូលទៅតម្រូវការបណ្ដាញសង្គម ដែលបង្ហាញដោយវិបត្តិនៃជំងឺនេះ ទោះបីជាមានភាពមិនច្បាស់លាស់អំពីផលប៉ះពាល់នៃភាពអាសន្នផ្នែកសុខភាពចំពោះសេដ្ឋកិច្ច និងអាជីវកម្មយ៉ាងណាក្ដី។

លោកថា “ខ្ញុំគិតថាតាមវិធីខ្លះគឺជាឱកាសមួយ ហើយតាមវិធីផ្សេងទៀត ខ្ញុំគិតថាវាជាការទទួលខុសត្រូវក្នុងការវិនិយោគលើការងើបឡើងវិញនៃសេដ្ឋកិច្ច” ។

តួលេខនៃអ្នកប្រើប្រាស់សកម្មប្រចាំខែបានកើនឡើង ១០% ឬស្មើនឹង ២,៦ ពាន់លាននាក់សម្រាប់បណ្ដាញសង្គមស្នូលរបស់ខ្លួនគឺ Facebook នេះ ចំណែកចំនួនអ្នកប្រើប្រាស់សម្រាប់កម្មវិធីក្នុងត្រកូលគ្រួសាររបស់ខ្លួនដូច Instagram និង WhatsApp បានកើនដល់ ៣ ពាន់លាននាក់។

ក៏ប៉ុន្តែ Facebook បានព្រមានអំពី “ភាពមិនប្រាកដប្រជាដែលមិនធ្លាប់មានពីមុនមក” អំពីអនាគតនៃអាជីវកម្មរបស់ខ្លួនដែលបណ្ដាលមកពីការរីករាលដាលនៃជំងឺកូវីដ១៩។
លោក Zuckerberg បានបន្តថា“ ផលប៉ះពាល់លើអាជីវកម្មរបស់យើងគឺមានសារៈសំខាន់ណាស់ ហើយខ្ញុំនៅតែមានការព្រួយបារម្ភជាខ្លាំងចំពោះភាពអាសន្នមួយនេះ ដូច្នេះការធ្លាក់ចុះនៃសេដ្ឋកិច្ចនឹងមានរយៈពេលយូរជាងការរំពឹងទុករបស់ប្រជាជនទៅទៀត” ។

គួររម្លឹកថា បណ្ដាញសង្គមយក្សរបស់អាមេរិកមួយនេះបាននិយាយថាបានឃើញ “ការថយចុះគួរឲ្យកត់សម្គាល់” នៅក្នុងតម្រូវការសម្រាប់ការផ្សាយពាណិជ្ជកម្ម ក៏ដូចជាការធ្លាក់ចុះនៃតម្លៃការផ្សាយពាណិជ្ជកម្មក្នុងអំឡុងពេលបីសប្ដាហ៍ចុងក្រោយនៃត្រីមាសនេះ

ប្រែសម្រួល៖ តរុណី

ប្រភព៖AFP

ចុចអាន៖សម្រង់សម្ដីអស្ចារ្យទាំង៥ ដែលធ្វើឲ្យយើងច្បាស់ពីបច្ចេកវិទ្យាជាងពីមុន

ចុចអាន៖ធ្វើដូចម្ដេចដណ្ដើមបាន follower លើបណ្ដាញសង្គម IG និងFecebook

Related Topics:បច្ចេកវិទ្យា