បច្ចេកវិទ្យា

ប្រវត្តិនៃការបង្កើតបណ្ដាញ instagram ដំបូង

បានផុស

៤ years មុន

នៅ

ថ្ងៃពុធ ៤ វិច្ឆិកា ២០២០

ដោយ

បណ្ដាញសង្គម Instagram ជាសមិទ្ធផលរបស់សហស្ថាបនិកពីររូបលោក Mike Krieger និង Kevin Systrom ដែលជាអតីតនិស្សិតមហាវិទ្យាល័យ Stanford រដ្ឋកាលីហ្វ័រញ៉ា សហរដ្ឋអាមេរិក។

មុនពេលបង្កើត Instagram លោក Mike Krieger និង Kevin Systrom ធ្លាប់បង្កើតកម្មវិធីមួយស្រដៀងនឹង Instagram ដែលមានឈ្មោះថា Burbn ។ ក្រោយមកអ្នកទាំងពីរយល់ថា Burbn មិនសូវសំខាន់ រួចក៏បោះបង់កម្មវិធីនេះចោលទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថាបនិកទាំងពីររូបនេះបានជួបជជែកគ្នា ដោយមានគម្រោងបង្កើតកម្មវិធីចែករំលែករូបភាពដ៏ធំមួយនៅលើទូរសព្ទដៃ។ បន្ទាប់ពីសាកល្បងអស់រយៈពេលជាច្រើនខែ Instagram សម្រេចបើកឲ្យដំណើរការជាផ្លូវការ នៅថ្ងៃទី០៦ តុលា ឆ្នាំ២០១០។ ត្រឹមមួយថ្ងៃដំបូងកម្មវិធីនេះទទួលបានអ្នកប្រើប្រាស់ថ្មីប្រមាណ ២៥,០០០នាក់ ។

ក្រោយពីជោគជ័យ លោក Systrom និង Krieger ទទួលបានទុនវិនិយោគបន្ថែម ទើបពួកគេអាចបង្កើនបុគ្គលិកច្រើនជាងមុន។ រហូតមកដល់ខែមីនា ឆ្នាំ២០១២ បណ្ដាញ Instagram មានអ្នកប្រើប្រាស់ជាង ២៧ លាននាក់។

ក្រោយពេល Instagram ដាក់ឲ្យដំណើរការដោយប្រព័ន្ធប្រតិបត្តិការ Android បណ្ដាញនេះត្រូវមានអតិថិជនទាញយកទៅប្រើច្រើនជាងមួយលានដងក្នុងមួយថ្ងៃ។ លទ្ធផលនេះ ធ្វើឲ្យលោក Mike និង Kevin ទទួលបានប្រាក់វិនិយោគ ៥០០ លានដុល្លារបន្ថែមទៀត។

នៅក្នុងខែមេសា ឆ្នាំ២០១២ ក្រុមហ៊ុន Facebook បានដាក់សំណើរទិញយក Instagram ក្នុងតម្លៃ ១ ប៊ីលានដុល្លារអាមេរិកជាប្រាក់សុទ្ធ និងនៅតែផ្ដល់សិទ្ធិឲ្យក្រុមហ៊ុននេះបន្តការគ្រប់គ្រងជាឯករាជ្យ ដោយស្ថាបនិករបស់ខ្លួនដដែល។

លុះមកដល់ឆ្នាំ ២០១៨ លោក Mike និង Kevin ដែលជាស្ថាបនិក Instagram បានលាលែងពីតំណែង ដោយលេចឮពាក្យចចាមអារ៉ាមថា លោកទាំងពីរមានគំនិតមិនចុះសម្រុងជាមួយប្រធានក្រុមហ៊ុន Facebook លោក Mark Zuckerberg។ បច្ចុប្បន្នបណ្ដាញ Instagram ត្រូវបានដឹកនាំលោក Adam Msseri ជាប្រធាន។

រាប់តាំងពីដាក់ឲ្យដំណើរការលើកដំបូងនៅឆ្នាំ ២០១០ រហូតមកដល់ទល់នឹងសព្វថ្ងៃ Instagram មានអ្នកប្រើប្រាស់ជាប្រចាំខែជិត ២ ប៊ីលាននាក់ នៅទូទាំងពិភពលោក៕

ប្រែសម្រួល៖ សន្យា

ប្រភព៖ Wikipedia

ចុចអាន៖ធ្វើដូចម្ដេចដណ្ដើមបាន follower លើបណ្ដាញសង្គម IG និងFecebook

ចុចអាន៖realme 7i “64MP Power Master”នឹងមានដាក់លក់នៅថ្ងៃទី23 ខែតុលានេះហើយ

Related Topics:IG