បច្ចេកវិទ្យា

អាថ៌កំបាំងធំបួនយ៉ាងរបស់បណ្ដាញwifiដែលមិនងាយមានអ្នកណាដឹង

បានផុស

៤ years មុន

នៅ

ថ្ងៃចន្ទ ៥ តុលា ២០២០

ដោយ

សាង ស្រីល័ក្ខ

១ អាថ៌កំបាំងទី១ អ្នកផ្ដល់សេវាអ៊ីនធឺណិតអាចតាមដានយើងបាន

នេះជាការពិត បើមិនចង់យើងអាចបង្កើត Wifi ខ្លួនឯងប្រើទៅ! និយាយលេងសើចទេ។ ជាការពិតណាស់ អាសយដ្ឋាន IP ដែលធ្វើឲ្យក្រុមហ៊ុនទាំងនោះរកឃើញបានយ៉ាងស្រួល ថាយើងកំពុងទស្សនាអ្វី ប្រសិនបើយើងមិនencrypted។ ការencryptedគឺជាការបម្លែងព័ត៌មានទៅជា An cryptographic encoding (ទិន្នន័យដែលមិនអាចអានបើគ្មានpassword)។

២ ទោះវាមិនមានសុវត្ថិភាពតែមានវិធីការពារ

ការប្រើបណ្ដាញ Wifi ងាយនឹងរងការជ្រៀតជ្រែកបំផុត ប៉ុន្តែមានអាថ៌កំបាំងដ៏អស្ចារ្យមួយសម្រាប់អ្នកនិយម Wifi សម្រាប់ទុកការពារខ្លួនគឺ ធាតុទឹកអាចជួយការពារអំពើជ្រៀតចូល បានដល់ទៅ៧៥%។ ប្រសិនបើយើងអង្គុយនៅចន្លោះរ៉ោតទ័រនិងកុំព្យូទ័រ វាអាចកាត់បន្ថយកម្លាំងនៃសញ្ញាវ៉ាយហ្វាយបាន ដូចគ្នានេះ ការអង្គុយក្បែរចរន្តទឹក ធ្វើឲ្យការជ្រៀតចូលពិបាកធ្វើទៅបានណាស់។ យោងតាម airtame.com ហ្វ្រេកង់ 2.4GHz ឬ 5GHz របស់WiFi ខ្ពស់ជាងបណ្ដាញចល័តនានាដែលអាចជួយឲ្យផ្ទុកទិន្នន័យបានច្រើន។

៣ WiFi តាមពិតទៅអាចមានវ័យច្រើនជាងអ្នកអានយើង!

អ្នកណាដឹងខ្លះ ថាក្រុមហ៊ុនដែលបានបង្កើតប្រព័ន្ធWiFiមុនគេ ឈ្មោះថា IEEE 802.11 បានជួបប្រជុំគ្នាដើម្បីពិភាក្សា អំពីការបង្កើតនេះតាំងពីខែកញ្ញាឆ្នាំ ១៩៩០ មកម្ល៉េះ។ បណ្ដាញមូលដ្ឋានឥតត្រូវការខ្សែមួយនេះ សំដៅទៅលើវិធីសាស្ត្រធ្វើយ៉ាងណា អាចបញ្ជូនព័ត៌មានតាមបណ្ដាញ ដោយមិនអាក់ឬរងការរំខានណាមួយ។ ពួកអ្នកប្រាជ្ញឌីជីទាំងនោះបានសម្រេចថា គេនឹងប្រើរលកវិទ្យុដើម្បីផ្ទេរព័ត៌មានពីឧបករណ៍អេឡិចត្រូនិកមួយទៅឧបករណ៍មួយទៀត។ ឥឡូវនេះ មានឧបករណ៍ដែលកើតឡើងក្រោយ ជាង ៩ ពាន់លាននៅលើពិភពលោក អាចប្រើបានជាមួយWiFi ។ ចំនួននេះទំនងនេះជាតួលេខកាលពីចុងឆ្នាំ២០១៨ ដែលទំនងជាកើនឡើងក្នុងពេលបច្ចុប្បន្ន។

៤ WiFi មិនមែនជាម៉ាកសញ្ញាតែជា សេវាកម្មបែបវិញ្ញាបនបត្រ

សម្ព័ន្ធWi-Fi Alliance ជាម្ចាស់និងមានសិទ្ធិត្រួតពិនិត្យពាណិជ្ជសញ្ញាចុះបញ្ជីណាខ្លះដែលត្រូវបានអនុញ្ញាតបង្កើតជាឧបករណ៍ប្រើWiFi។ ទាំងនេះស្ថិតនៅក្រោមការគ្រប់គ្រងរបស់ក្រុមហ៊ុន IEEE 802.11 បានន័យថាអ្នកណាដែលចង់បង្កើត WiFi-enabled device ត្រូវរចនាតាមស្តង់ដាររបស់ពួកគេ។

closeup of a wireless router and a man using smartphone on living room at home ofiice

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រវត្តិ

WiFi មានប្រភពកំណកំណើតដើមនៅកោះហាវ៉ៃ ដោយវាត្រូវបានបង្កើតឡើងនៅឆ្នាំ ១៩៧១ ហើយត្រូវបានគេឲ្យឈ្មោះថា ALOHAnet ។ នេះជាប្រព័ន្ធទាក់ទងឈានមុខគេដែលត្រូវបានបង្កើតឡើងនៅសាកលវិទ្យាល័យហាវ៉ៃ។

ពីរទសវត្សរ៍ក្រោយមកសាជីវកម្ម AT&T Corporation បានបង្កើតWaveLANដែលត្រូវបានគេចាត់ទុកថាជាអ្នកឈានមុខគេពិតប្រាកដនៃប្រព័ន្ធWiFi៕

ប្រែសម្រួល៖ ស្រស់

ចុចអាន៖ប្រវត្តិនៃការបង្កើតបណ្ដាញ instagram ដំបូង

ចុចអាន៖ធ្វើដូចម្ដេចដណ្ដើមបាន follower លើបណ្ដាញសង្គម IG និងFecebook

Related Topics:ចំណេះដឹង