បច្ចេកវិទ្យា

ជំនាញទីផ្សារឌីជីថល៖ ឧបករណ៍ធ្វើតេស្តគេហទំព័រ website testing

បានផុស

៤ years មុន

នៅ

ថ្ងៃព្រហស្បតិ៍ ៥ វិច្ឆិកា ២០២០

ដោយ

សាង ស្រីល័ក្ខ

ការផ្លាស់ប្ដូរតូចបំផុតមួយ អាចធ្វើឲ្យមានភាពខុសគ្នាធំបំផុត នៅពេលនិយាយអំពីការសាកល្បងក្នុងចំណោមឧបករណ៍ទីផ្សារឌីជីថល។

មានTool ជាច្រើនជាឧបករណ៍ដែលជួយសាកល្បងឬបង្កើនប្រសិទ្ធភាពគេហទំព័ររបស់យើងបានយ៉ាងវេទមន្ត ដូចជា៖

១ ឧបករណ៍ Unbounce

Unbounce គឺជាឧបករណ៍ដ៏អស្ចារ្យមួយ សម្រាប់កែសម្រួលការបោះពុម្ពទំព័រថ្មីៗលើអនឡាញ ហើយលក្ខណៈពិសេសអស្ចារ្យបំផុតមួយរបស់វា គឺងាយស្រួលក្នុងការប្រើវេទិកានេះដើម្បីបង្កើតគេហទំព័រថ្មីបាន។

ទោះបីជាយើងមិនមែនជាអ្នកចេះឌីស្សាញម៉ូដវែបសាយច្រើន តែក៏អាចប្រើគំរូមួយចំនួនដែលបញ្ចូលសមនឹងរចនាប័ទ្មដែលយើងចង់បាន។

Unbounce អាចផ្ញើចរាចរណ៍នៃអត្ថបទយើង ទៅទីចុះចតជាក់លាក់មួយដើម្បីបង្កើនការសន្ទនាអំពីរឿងដែលយើងសរសេរ ឬជំរុញការនាំមុខគេផ្នែកមាតិកា ដែលយុទ្ធនាការផ្សព្វផ្សាយរបស់យើង នឹងទទួលបានអត្ថប្រយោជន៍ច្រើនហួសស្មាន

២ ឧបករណ៍ Oracle Maxymiser

Maxymiser គឺជាឧបករណ៍មួយដែលហួសពីអាណាចក្រនៃការចុះចតលើគេហទំព័រ។ ដំណោះស្រាយសូហ្វវែរកម្រិតសហគ្រាសនេះត្រូវបានបង្កើតឡើងដើម្បីសាកល្បងនូវទិដ្ឋភាពជាច្រើននៃគេហទំព័រទាំងដំណើរការនិងតេស្តផ្សេងៗនាក្នុងពេលដំណាលគ្នា។ Maxymiser ក៏អនុញ្ញាតឲ្យយើងអាចបែងចែកអ្នកណាដែលចង់ផ្ញើទៅការធ្វើតេស្តនីមួយៗ ហើយបង្កើតបានជាបទពិសោធន៍ដ៏ល្អសម្រាប់អ្នកទស្សនាគេហទំព័ររបស់ឲ្យត្រឡប់មកវិញម្តងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ VWO

ទោះបីជាការធ្វើតេស្តគេហទំព័រ បានក្លាយជារឿងស្មុគស្មាញក៏ដោយ ក៏មិនអាចខ្វះបានដដែល ព្រោះការធ្វើតេស្តបានជួយឲ្យគេហទំព័រយើងកំណត់នូវចំណងជើងនិងរូបភាពណាល្អ ដើម្បីបង្កើតកំណែនិងតំណសម្រាប់អ្នកទស្សនាចូលមើលសាកល្បង។ Tool VWO ជាវេទិកាជួយបានយ៉ាងឆាប់រហ័សនិងងាយស្រួលក្នុងការជំរុញជោគជ័យឆ្ពោះទៅរកទស្សនិកជនថ្មីៗជានិច្ច និងធ្វើឲ្យមានស្តង់ដារលើគេហទំព័រតាមក្រឹត្យរបស់Google ។

៤ កម្មវិធីHotjar

វេទិការបស់ Hotjar ផ្ដល់នូវកំណត់ត្រាជាក់ស្ដែងនៃសកម្មភាពនិងអាកប្បកិរិយាអ្នកទស្សនានៅនឹងកន្លែង វិភាគនិងផ្ដល់យោបល់ជួយអ្នកឲ្យយល់ពីឥរិយាបថរបស់អ្នកប្រើប្រាស់គេហទំព័រ និងទទួលបាននូវមតិប្រតិកម្មរបស់ពួកគេ តាមរយៈឧបករណ៍ស្ទង់មតិទំនើប

Hotjar បំពេញបន្ថែមទិន្នន័យ និងការយល់ដឹងពីឧបករណ៍វិភាគគេហទំព័រតាមបែបប្រពៃណីដូចជា Google Analytics ហើយឥឡូវ វាជាសេវាកម្មឈានមុខគេក្នុងឧស្សាហកម្មទីផ្សារឌីជីថល និងងាយស្រួលប្រើ ដែលរួមបញ្ចូលការវិភាគលក្ខណៈអ្នកប្រើនិងឧបករណ៍ផ្តល់យោបល់ដល់គេហទំព័រគ្រប់ប្រភេទ៕

ប្រែសម្រួល៖ សុភា

ប្រភព ៖GeGGO/CNBC

ចុចអាន៖ការពិតពី Youtube ដែលយើងមិនសូវបានដឹង

ចុចអាន៖សម្រង់សម្ដីអស្ចារ្យទាំង៥ ដែលធ្វើឲ្យយើងច្បាស់ពីបច្ចេកវិទ្យាជាងពីមុន

Related Topics:ទីផ្សារឌីជីថល