កូរ៉េខាងជើងនៅតែអះអាងថាមិនមានករណីឆ្លងជំងឺកូវីដ ១៩ ក្នុងប្រទេសខ្លួន – Kampuchea Thmey Daily
Connect with us

ព័ត៌មានអន្ដរជាតិ

កូរ៉េខាងជើងនៅតែអះអាងថាមិនមានករណីឆ្លងជំងឺកូវីដ ១៩ ក្នុងប្រទេសខ្លួន

Published

on

របាយការណ៍របស់អង្គការសុខភាពពិភពលោក (WHO) ថ្មីៗនេះបានបង្ហាញថា ប្រទេសកូរ៉េខាងជើងមិនបានរាយការណ៍អំពីការផ្ទុះឡើងនៃករណីឆ្លងជំងឺកូវីដ ១៩ នៅក្នុងប្រទេសនេះទេ ។

កូរ៉េខាងជើងបានធ្វើតេស្តលើមនុស្សចំនួន ១០,៤៦២ នាក់និងអះអាងថាគ្មានករណីឆ្លងណាមួយត្រូវបានគេរាយការណ៍មកទេគិតត្រឹមថ្ងៃទី ២៩ ខែតុលា ។ នេះបើយោងតាមរបាយការណ៍ស្ថានភាពប្រចាំសប្តាហ៍លើកចុងក្រោយរបស់ទីភ្នាក់ងារស្តីពីជំងឺកូវីដ ១៩ ។

WHO បាននិយាយថា ក្នុងចំណោមមនុស្ស ៥,៣៦៨ នាក់ដែលត្រូវបានគេដឹងថាជាអ្នកជំងឺនៅកូរ៉េខាងជើងក្នុងនោះមាន ៨ នាក់ជាជនបរទេស ។

យោងតាមទីភ្នាក់ងារនេះបានឲ្យដឹងថា មនុស្សសរុបចំនួន ១៦១ នាក់ត្រូវបានធ្វើចត្តាឡីស័កពីថ្ងៃទី ១៥ ដល់ថ្ងៃទី ២២ ខែតុលា ខណៈដែលចំនួនអ្នកជំងឺដែលត្រូវបានចេញពីមន្ទីរពេទ្យមានចំនួន ៣២,០១១ នាក់គិតត្រឹមថ្ងៃទី ២២ ខែតុលា ។

ទីភ្នាក់ងារនេះបាននិយាយថា ជនជាតិកូរ៉េខាងជើង ៨៤៦ នាក់ត្រូវបានគេសង្ស័យថាមានផ្ទុកជំងឺកូវីដ ១៩ ក្នុងអំឡុងពេលនៃការឃ្លាំមើលយ៉ាងដិតដល់ ប៉ុន្តែបាននិយាយថា រាល់ការធ្វើតេស្តទាំងអស់គឺអវិជ្ជមាន ។

ប្រទេសកូរ៉េខាងជើងបានអះអាងថាមិនមានករណីឆ្លងជំងឺកូវីដ ១៩ នោះទេ ដោយសារតែភាពរហ័សរហួនជាមួយនឹងយុទ្ធនាការកម្ចាត់មេរោគដោយបិទព្រំដែនរបស់ខ្លួនកាលពីដើមឆ្នាំនេះ និងមានវិធានការរឹតបន្តឹងក៏ដូចជាការធ្វើចត្តាឡីស័កនៃពលរដ្ឋរបស់ខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ YONHAP

ចុចអាន ៖ ក្រោយបាត់ខ្លួន១០ខែយ៉ាងអាថ៌កំបាំង គេជឿថា ភរិយារបស់លោក គីម ត្រូវបានប្រហារជីវិត

ចុចអាន ៖ លោក គីម ជុងអ៊ុន ចេញបញ្ជាមួយធ្វើឲ្យទីក្រុង ព្យុងយ៉ាង ស្ងាត់ដូចចោរលួចសេះ

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ3 hours ago

រថយន្ត​សង្គ្រោះ​បន្ទាន់​ដឹក​សំណាក​កូវីដ១៩​ បុក​ម៉ូតូ​ដឹក​រ៉ឺម៉ង​បណ្ដាល​ឲ្យ​បុរសម្នាក់​ស្លាប់​នៅ​នឹង​កន្លែង

ព័ត៌មានជាតិ4 hours ago

អភិបាល​ខណ្ឌទួល​គោក​ចុះ​បាញ់​ថ្នាំ​សម្លាប់​មេរោគ​ ក្នុង​បរិវេណ​ផ្សារ​សាមគ្គី ដើម្បី​ចូល​រួម​ទប់ស្កាត់​វីរុស​កូវីដ១៩

ព័ត៌មានជាតិ4 hours ago

ទំព័រ​ហ្វេសបុក សម្តេចក្រឡាហោម ទម្លាយ​សកម្មភាព​លោក​ឆែម សាវុធ ក្នុងអំឡុងពេល​ចូលរួម​កិច្ចប្រជុំ​អន្តរក្រសួង (Videos)

ព័ត៌មានជាតិ5 hours ago

ត្រីមាស​ទី​៣​ឆ្នាំ​២០២០​ ការងារ​កែទម្រង់​ហិរញ្ញវត្ថុ​សាធារណៈ​នៅតែ​រក្សា​បាន​លទ្ធផល​ល្អប្រសើរ​

ព័ត៌មានជាតិ5 hours ago

ក្រសួងមហាផ្ទៃ​ណែនាំ ពីវិធានការចេញចូល​ក្រសួង អំឡុង​ពេល​ទប់ស្កាត់​កូវីដ១៩

ព័ត៌មានពេញនិយម