ថ្ងៃនេះ ថៃមានអ្នកស្លាប់ម្នាក់ទៀតដោយសារកូវីដនិងឆ្លង២១៦ករណី

មជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA) បានប្រកាសថា នៅថ្ងៃសៅរ៍នេះ ប្រទេសថៃ មានករណីឆ្លងថ្មីចំនួន២១៦ករណីនិងស្លាប់ម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីឆ្លងក្នុងសហគមន៍ទាំង២១៤ករណី មាន១៨២នាក់ជាជនជាតិថៃនិង៣២នាក់ជាពលករចំណាកស្រុក។ មានតែពីរករណីប៉ុណ្ណោះដែលជាករណីនាំចូល។

គិតត្រឹមថ្ងៃសុក្រ មានខេត្តចំនួន៥៣បានរាយការណ៍ពីករណីនៃការផ្ទុះឡើងចុងក្រោយបង្អស់។

អ្នកនាំពាក្យ CCSA លោកវេជ្ជបណ្ឌិត Taweesin Visanuyothin បាននិយាយថា អ្នកជំងឺម្នាក់បានស្លាប់កាលពីថ្ងៃសុក្រនៅក្នុងសណ្ឋាគារមួយដែលត្រូវប្រែក្លាយទៅជាមន្ទីរពេទ្យនៅក្នុងស្រុក Bang Lamung នៃខេត្ត Chonburi។

ចំនួនករណីដែលបានបញ្ជាក់នៅក្នុងប្រទេសថៃបានកើនឡើងដល់៧,៣៧៩ករណី។ ក្នុងនោះមាន៥,៣៥៦ករណីជាការចម្លងក្នុងសហគមន៍។ រហូតមកដល់ពេលនេះ មនុស្សចំនួន៤,២៩៩នាក់បានជាសះស្បើយនិងត្រូវអនុញ្ញាតឲ្យចេញពីមន្ទីរពេទ្យរីឯមនុស្ស៦៤នាក់បានស្លាប់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ថៃ លែងឲ្យញ៉ាំអាហារនិងមើលទស្សនាវដ្តីតាមជើងហោះហើរក្នុងស្រុកដើម្បីបញ្ឈប់ការរីករាលដាលជំងឺកូវីដ

ចុចអាន៖ បាងកក​ បិទសាលាទាំងអស់២សប្តាហ៍ព្រោះស្ថានការណ៍កាន់តែធ្ងន់ធ្ងរ