ព័ត៌មានអន្ដរជាតិ
UNICEF ចង់ឲ្យបន្ថែមក្រុមមួយទៀតចូលក្នុងបញ្ជីអាទិភាពទទួលបានវ៉ាក់សាំងកូវីដ
ប្រធានទីភ្នាក់ងារកុមាររបស់អង្គការសហប្រជាជាតិ UNICEF នៅថ្ងៃអង្គារ ទី១៥ ខែធ្នូ នេះបានអំពាវនាវឲ្យគ្រូបង្រៀនស្ថិតក្នុងចំណោមអ្នកដែលត្រូវផ្តល់អាទិភាពចាក់វ៉ាក់សាំងកូវីដ ១៩ ។
លោកស្រី Henrietta Fore ប្រធានអង្គការ UNICEF បាននិយាយនៅក្នុងសេចក្តីថ្លែងការណ៍មួយថា “ជំងឺរាតត្បាតកូវីដ ១៩ បានបង្កការបំផ្លិចបំផ្លាញដល់ការអប់រំរបស់កុមារនៅជុំវិញពិភពលោក ។ ការចាក់វ៉ាកសាំងដល់គ្រូបង្រៀនគឺជាជំហានដ៏សំខាន់មួយដើម្បីឈានទៅរកផ្លូវត្រូវ” ។
លោកស្រីមានប្រសាសន៍ថា “គ្រូបង្រៀនគួរតែត្រូវបានផ្តល់អាទិភាពក្នុងការទទួលបានវ៉ាក់សាំងការពារជំងឺកូវីដ ១៩ បន្ទាប់ពីបុគ្គលិកសុខាភិបាលជួរមុខ និងប្រជាជនដែលមានហានិភ័យខ្ពស់ ។ វានឹងជួយការពារគ្រូបង្រៀនពីជំងឺនេះដោយអនុញ្ញាតឲ្យពួកគេបង្រៀនសិស្សដោយផ្ទាល់ក៏ដូចជាបើកសាលារៀនឡើងវិញផងដែរ” ។
យោងតាមអង្គការ UNICEF បានឲ្យដឹងថា ការផ្ទុះឡើងខ្លាំងបំផុតនៃករណីឆ្លងរោគរាតត្បាតកាលពីចុងខែមេសា ការបិទទ្វារសាលារៀនបានរំខានដល់ការរៀនសូត្ររបស់សិស្សនិស្សិតស្ទើរតែ ៩០ ភាគរយនៅទូទាំងពិភពលោក ។
UNICEF បាននិយាយនៅក្នុងសេចក្តីថ្លែងការណ៍របស់ខ្លួនថា ជាអកុសលថ្នាក់រៀនបច្ចុប្បន្ននៅតែត្រូវបានបិទសម្រាប់សិស្សជិត ១ នាក់ក្នុងចំណោមសិស្ស ៥ នាក់នៅទូទាំងពិភពលោក ឬកុមារ ៣២០ លាននាក់ ។
គួរបញ្ជាក់ថា គិតត្រឹមពេលនេះពិភពលោកមានករណីឆ្លងជំងឺកូវីដ ១៩ ចំនួន ៧៣,២០៦,១១៨ ករណី និងមានអ្នកស្លាប់ចំនួន ១,៦២៨,២៨២ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ក្រុមហ៊ុនឈានមុខមួយប្រាប់ពីអាការៈក្រោយចាក់វ៉ាក់សាំងកូវីដតែថា កុំភ័យ
ចុចអាន ៖ ក្រុមហ៊ុនឱសថអាល្លឺម៉ង់មួយទៀតចាប់ផ្តើមសាកល្បងវ៉ាក់សាំងកូវីដ ទ្រង់ទ្រាយធំ

-
ព័ត៌មានអន្ដរជាតិ២ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ២ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៧ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ៤ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៥ ម៉ោង ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ១ សប្តាហ៍ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា