ព័ត៌មានអន្ដរជាតិ
ជនជាតិអង់គ្លេសនាំវីរុសកូរ៉ូណាក្លាយពូជប្រភេទថ្មីមួយទៀតចូលប្រទេស
រដ្ឋមន្ត្រីក្រសួងសុខាភិបាលលោក Matt Hancock បាននិយាយថា ចក្រភពអង់គ្លេសបានរកឃើញករណីឆ្លងវីរុសកូរ៉ូណាក្លាយពូជប្រភេទថ្មីចំនួន២ករណីបន្ថែមទៀត។

ករណីនៅក្នុងទីក្រុងឡុងដ៍និងភាគពាយព្យប្រទេសអង់គ្លេសគឺជាទំនាក់ទំនងរបស់មនុស្សដែលបានធ្វើដំណើរទៅកាន់ប្រទេសអាហ្វ្រិកខាងត្បូងដែលជាកន្លែងវីរុសថ្មីនេះត្រូវបានរកឃើញ។
ស្របពេលជាមួយគ្នានោះ វិធានការរឹតត្បិតការធ្វើដំណើរជាមួយប្រទេសអាហ្រ្វិកខាងត្បូងត្រូវបានដាក់ចេញ។
អ្នកណាដែលធ្វើដំណើរទៅទីនោះកាលពីពីរសប្តាហ៍មុននិងអ្នកដែលពួកគេបានទាក់ទងជាមួយ ត្រូវបានគេប្រាប់ឲ្យធ្វើចត្តាឡីស័កជាបន្ទាន់។

វីរុសក្លាយពូជថ្មីនេះបានបង្កឲ្យមានការព្រួយបារម្ភកាន់តែខ្លាំងឡើងនៅក្នុងប្រទេសអាហ្វ្រិកខាងត្បូងដែលនៅទីនោះ រដ្ឋមន្រ្តីក្រសួងសុខាភិបាលលោក Zweli Mkhize បានព្រមានថា “មនុស្សវ័យក្មេងដែលធ្លាប់តែមានសុខភាពល្អ បានក្លាយទៅជាអ្នកជំងឺកាន់តែច្រើន”។
អ្នកវិទ្យាសាស្ត្រនៅអាហ្វ្រិកខាងត្បូងនិយាយថា វីរុសក្លាយពូជប្រភេទថ្មីនេះបានរីករាលដាលយ៉ាងឆាប់រហ័សហើយបានក្លាយជាទម្រង់លេចធ្លោនៃវីរុសនៅផ្នែកខ្លះនៃប្រទេស។

វីរុសក្លាយពូជនេះនៅតែកំពុងត្រូវបានគេវិភាគ។ វាមានភាពស្រដៀងគ្នាមួយចំនួនទៅនឹងអ្វីដែលត្រូវបានគេរកឃើញរួចទៅហើយនៅក្នុងចក្រភពអង់គ្លេសបើទោះបីជាពួកគេមានការវិវត្តដាច់ដោយឡែកពីគ្នាក៏ដោយ។
វីរុសទាំងពីរនេះមានការផ្លាស់ប្តូរដែលគេហៅថា N501Y។ វាជាផ្នែកសំខាន់មួយនៃវីរុសក្នុងការចម្លងដល់កោសិកានៃរាងកាយរបស់មនុស្ស៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ សិង្ហបុរី ហាមឃាត់អ្នកដំណើរមកពីចក្រភពអង់គ្លេសដោយសារជំងឺក្លាយពូជប្រភេទថ្មី
ចុចអាន៖ អង់គ្លេសកំពុងស្វះស្វែងជាមួយបារាំង ស្វែងរកដំណោះស្រាយរឿងបិទព្រំដែន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ