ព័ត៌មានអន្ដរជាតិ
EU ចោទថា រុស្សុីកំពុងផ្សព្វផ្សាយព័ត៌មានមិនពិតដើម្បីឲ្យវ៉ាក់សាំងរបស់ខ្លួនលក់ដាច់
អ្នកការទូតជាន់ខ្ពស់របស់សហភាពអ៊ឺរ៉ុប (EU) បានអះអាងកាលពីថ្ងៃចន្ទថា ប្រទេសរុស្ស៊ីបានផ្តល់ព័ត៌មានមិនពិតអំពីវ៉ាក់សាំងក្រុមហ៊ុនផ្សេងទៀតដើម្បីលើកតម្កើនវ៉ាក់សាំងការពារជំងឺកូវីដ ១៩ របស់ខ្លួន ។

ដោយសរសេរនៅលើប្លុកផ្លូវការរបស់ខ្លួនអំពីការគំរាមកំហែងនៃការផ្សព្វផ្សាយព័ត៌មានមិនពិត ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បានសរសេរថា “បរទេសមួយចំនួនមិនថាជារដ្ឋ ឬមិនមែនរដ្ឋសុទ្ធតែធ្វើយុទ្ធនាការផ្សព្វផ្សាយព័ត៌មានមិនពិត ហើយការផ្សព្វផ្សាយព័ត៌មានមិនពិត ឬបំភាន់នោះគឺដោយចេតនា” ។
លោកបានបន្តថា “ជាឧទាហរណ៍ ក្រុមហ៊ុនផលិតវ៉ាក់សាំងលោកខាងលិចត្រូវបានគេចំអកមើលងាយជាសាធារណៈលើប្រព័ន្ធផ្សព្វផ្សាយពហុភាសារបស់រុស្ស៊ីដែលក្នុងករណីខ្លះនាំឲ្យមានការអះអាងដែលមិនសមហេតុផលថា វ៉ាក់សាំងនឹងប្រែក្លាយមនុស្សទៅជាស្វា ។ ការលើកឡើងបែបនោះត្រូវបានធ្វើឡើងតាមបណ្តាប្រទេសដែលរុស្ស៊ីចង់លក់វ៉ាក់សាំងរបស់ខ្លួនដែលមានឈ្មោះថា Sputnik V” ។

ទន្ទឹមនោះលោក Borrell មិនបានលើកឡើងពីប្រព័ន្ធផ្សព្វផ្សាយ ឬកន្លែងជាក់លាក់ណាមួយដែលព័ត៌មានមិនពិតត្រូវបានផ្សព្វផ្សាយនោះទេ ។
លោកបានព្រមានបន្ថែមទៀតថា “នៅក្នុងការរីករាលដាលនៃរោគរាតត្បាតនាពេលបច្ចុប្បន្ន ការប៉ុនប៉ងដើម្បីបង្កឲ្យមានការសង្ស័យគ្មានមូលដ្ឋានអាចគំរាមកំហែងដល់សុខភាពសាធារណៈ ។ អង្គការភេរវករដូចជា ក្រុម Da’esh (ដែលត្រូវបានគេស្គាល់ថាជា ISIS) ក៏បានប្រើភាពច្របូកច្របល់ក្នុងស្ថានភាពវិបត្តិកូរ៉ូណានេះដើម្បីផ្សព្វផ្សាយការឃោសនាផ្ទាល់ខ្លួនរបស់ពួកគេផងដែរ” ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ មនុស្ស ៨ នាក់ត្រូវបញ្ជូនទៅមន្ទីរពេទ្យដោយសារចាក់វ៉ាក់សាំងកូវីដលើសកម្រិតនៅ អាល្លឺម៉ង់

-
ចរាចរណ៍៣ ថ្ងៃ ago
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ ago
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ ago
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ ago
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ ago
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ ago
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ ago
ត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៦ ម៉ោង ago
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ