ព័ត៌មានអន្ដរជាតិ
ទៀតហើយ! ដោយសារវិបត្តិសេដ្ឋកិច្ច ពលរដ្ឋអ៊ីតាលី ចេញតវ៉ាប្រឆាំងវិធានការការពារកូវីដរលកទី២
ការតវ៉ា បានផ្ទុះឡើងទូទាំងប្រទេសអ៊ីតាលី ក្រោយរដ្ឋាភិបាល ចេញការរឹតបន្តឹងគម្លាតសង្គមថ្មី ក្នុងចេតនាទប់ស្កាត់រលកទី២ នៃជំងឺកូវីដ ១៩។

ការតវ៉ា ដែលចាប់ផ្តើមកាលពីថ្ងៃច័ន្ទបាន ឈានដល់ផ្ទុះហឹង្សាដាក់គ្នារវាងបាតុករ និងកម្លាំងរក្សាសន្តិសុខ ដោយមានទាំងការគប់ដបសាំងទៅលើកងកម្លាំងទៀតផង។
ការប៉ះទង្គិចគ្នានេះ កើតឡើងក្នុងទីក្រុង Milan និងទីក្រុង Turin ខណៈប៉ូលីសបានប្រើឧស្ម័នបង្ហូរទឹកភ្នែកដើម្បីបំបែកហ្វូងបាតុករ ស្របពេលមនុស្សរាប់ម៉ឺននាក់ចាប់ផ្តើមប្រមូលផ្តុំគ្នានៅកណ្តាលទីក្រុង Napoli។
ការតវ៉ានេះ ផ្ទុះចេញពីបម្រាមរឹតបន្តឹងថ្មី តម្រូវឲ្យភោជនីយដ្ឋាន បារ ក្លិបហាត់ប្រាណ និងរោងភាពយន្ត ត្រូវបិទអាជីវកម្មរបស់ខ្លួននៅត្រឹមម៉ោង ១៨៖០០។

ហេតុផលនៅពីក្រោយការតវ៉ានេះ ដោយសារពលរដ្ឋអ៊ីតាលីភាគច្រើន សុទ្ធតែរងគ្រោះខ្លាំងដោយវិបត្តិសេដ្ឋកិច្ចបង្កពីរលកទី១ នៃជំងឺកូវីដ ១៩ ខណៈអាជីវកម្មតួចៗស្ទើរទូទាំងប្រទេស លើកឡើងថា ខ្លួនកំពុងក្រោកបន្តិចម្តងៗពីផលប៉ះពាល់រលកទី១ ហើយវិធានការថ្មីនេះ នឹងធ្វើឲ្យពួកគេក្ស័យធន់មិនខាន។
គួរបញ្ជាក់ថា អ៊ីតាលី ជាប្រទេសរងគ្រោះធ្ងន់ធ្ងរដំបូងបង្អស់នៅអឺរ៉ុប ចាប់តាំងពីមានការផ្ទុះរាតត្បាតកូវីដ ១៩ រលកទី១ ខណៈមកទល់នឹងពេលនេះ អ៊ីតាលី មានអ្នកឆ្លងកូវីដ ១៩ សរុប ៥៤២ ៧៨៩នាក់ និងស្លាប់ ៣៧ ៤៧៩នាក់៕
ប្រែសម្រួល៖ សុភា
ប្រភព៖ BBC
អត្ថបទពាក់ព័ន្ធ៖

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ