KPT+

ចរិតលក្ខណៈពិសេសរបស់មនុស្សចូលចិត្តពណ៌ខ្មៅ

Published

2 months ago

November 10, 2020

ពណ៌ខ្មៅ តែងតែត្រូវបានគេផ្សារភ្ជាប់ជាញឹកញាប់ជាមួយនឹងភាពងងឹត និងចរិតអាក្រក់។ បើក្នុងភាពយន្តវិញ ពណ៌នេះរមែងគេភ្ជាប់ជាមួយតួធ្មប់ឬបិសាចជាដើម។ ជាទូទៅពណ៌ខ្មៅ ត្រូវ បានចាត់ថ្នាក់ក្នុងប្រភេទភាពទុក្ខសោក ឬរឿងអពមង្គលនានា។

រីឯមនុស្សដែលនិយមពណ៌ខ្មៅ ក៏ត្រូវបានគេចាត់ទុកជាមនុស្សប្រភេទមិនសូវល្អ និងជាមនុស្សបៀមតែរឿងទុក្ខព្រួយជាដើម។

ប៉ុន្តែ យើងអាចនឹងភ្ញាក់ផ្អើលបើបានដឹងលក្ខណៈពិសេសរបស់មនុស្សចូលចិត្តពណ៌ខ្មៅតាមការបកស្រាយខាងក្រោមនេះ៖

ចរិតលក្ខណៈគោល៖ អ្នកចូលចិត្តខ្មៅ ភាគច្រើនជាមនុស្សមើលទៅមានអំណាចក្នុងខ្លួន។ មនុស្សប្រភេទនេះច្រើនតែមានសិល្បៈសំបូរបែប ជាបុគ្គលឯករាជ្យនិងមានឆន្ទៈខ្ពស់ ចូលចិត្តគ្រប់គ្រងខ្លួនឯងនិងមនុស្សជុំវិញ។ មនុស្សចូលចិត្តពណ៌ខ្មៅ ច្រើនតែលាក់ភាពទន់ខ្សោយរបស់ខ្លួនមិនឲ្យអ្នកដទៃឃើញងាយៗទេ ហើយគេប្រយ័ត្ននឹងព័ត៌មានផ្ទាល់ខ្លួនមិនងាយចែករំលែកជាមួយអ្នកណាឡើយ។

ចរិតលក្ខណៈភេទ៖ មនុស្សនេះរមែងទាក់ទាញភេទផ្ទុយបំផុត ប៉ុន្តែគេតែងតែលាក់ភាពត្រេកត្រអាលរបស់ខ្លួនខ្លាំងដូចគ្នា។

ចរិតលក្ខណៈការងារ៖ មនុស្សចូលចិត្តពណ៌ខ្មៅ ជាមនុស្សគិតគូរល្អិតល្អន់ និងហ្មត់ចត់ជាមួយការងារ។ ជាទូទៅគេច្រើនតែជាមេកោយ ជានាយកប្រតិបត្តិជាន់ខ្ពស់ ឬអ្នកជំនួញធំ។ ពួកគេជាមនុស្សមានវិជ្ជាជីវៈច្បាស់ជាមួយអាជីពរបស់ខ្លួន។

ចរិតលក្ខណៈរស់នៅ៖ គេជាបុគ្គលមានសេចក្ដីថ្លៃថ្នូរ និងទាន់សម័យ។ ជាមនុស្សប្រយ័ត្នក្នុងការភ្ជាប់ទំនាក់ទំនងជាមួយអ្នកដទៃ។ មនុស្សប្រភេទនេះមានសមត្ថភាពដើម្បីទទួលបានជោគជ័យខ្ពស់ ប៉ុន្តែតែងតែប្រាថ្នាចង់បានលើសពីនោះទៀត។ ដូច្នេះគេមិនសូវពេញចិត្តនឹងលទ្ធភាពរបស់ខ្លួន ហើយចេះតែមានអារម្មណ៍ថាទទេស្អាតចំពោះខ្លួនឯង។

ចរិតលក្ខណៈស្នេហា៖ ស្នេហារបស់គេ ជាស្នេហាបែបស្ងប់ស្ងាត់ មិននិយមបង្អួតអ្នកដទៃ ហើយភាគច្រើនគូស្នេហ៍ពួកគេតែងតែឈានដល់ចំណងអាពាហ៍ពិពាហ៍។

ចរិតលក្ខណៈសិក្សា៖ មនុស្សចំណូលពណ៌ខ្មៅ ភាគច្រើនឆ្លាត តែខ្ជិលរៀនបន្តិច។ យ៉ាងណាលទ្ធផលសិក្សារបស់គេក៏មិនធ្លាក់ដល់បាតដែរ ហើយរមែងទទួលបានមធ្យម ឬអាចខ្ពស់ក៏មាន។

ចរិតលក្ខណៈដើរកម្សាន្ត៖ គេចូលចិត្តដើរលេងកន្លែងបែបធម្មជាតិៗ ចូលចិត្តផ្សងព្រេង និងហ៊ានប្រថុយគ្រោះថ្នាក់៕

ប្រែសម្រួល៖ សន្យា

ប្រភព៖ MIKOL

ចុចអាន៖ទៀនក្រអូបជួយបន្ធូរបន្ថយអារម្មណ៍តានតឹង និងភាពនឿយហត់

ចុចអាន៖ទោះអាយុច្រើនក្ដី ស្ត្រីៗនៅតែទាក់ទាញខ្លាំង ដរាបណាមានចំណុចទាំងបីនេះ