KPT+
វិធីសាស្ត្រនិយាយជាមួយចាស់ៗចចេសមិនចង់ឲ្យគេថែទាំ
ជាធម្មជាតិ មនុស្សចាស់អាយុកាន់តែច្រើន កាន់តែមានចរិតដូចកូនក្មេង ចាប់អន់ចិត្ត ចចេសរឹងរូស ជាដើម។ ទោះយ៉ាងណាក៏ដោយ កូនចៅកតញ្ញូមិនអាចបោះបង់ពួកគាត់ ដោយសារបញ្ហាតិចតួចនេះទេ។ តោះ! សាកវិធីដោះស្រាយនេះមើល៍ ក្រែងអាចជួយឲ្យម៉ាក់ប៉ា អ៊ំៗ ដែលចចេសរឹងរូស ងាកមកទទួលជំនួយពីយើង។
![](https://kampucheathmey.com/wp-content/uploads/2021/01/elderly-asian-woman-thoughtful-expression_191225_101447_91d63ed8db4e577e23ee14ec37c61773-1024x647.jpg)
១- ហេតុផលនាំឲ្យចាស់ៗមិនត្រូវការជំនួយ
ពេលម៉ាក់ប៉ា អ៊ំៗយើង ទទួលការថែទាំ ប្រហែលជាធ្វើឲ្យប៉ះពាល់ខ្លាំង ទាំងផ្លូវចិត្ត និងផ្លូវកាយ ព្រោះព្រមទទួលយកជំនួយថែទាំ មានន័យថា ម៉ាក់ប៉ា អ៊ំៗ នឹងបោះបង់ចោលនូវភាពម្ចាស់ការរបស់ខ្លួន អាចនឹងមានអារម្មណ៍ថា ខ្លួនគាត់ក្លាយជាមនុស្សអត់បានការ ឥតប្រយោជន៍ ជាហេតុធ្វើម៉ាក់ប៉ា អ៊ំៗខឹងសម្បារនេះឯង។
អារម្មណ៍បន្ទោសខ្លួនឯងសម្រាប់ចាស់ៗ ក៏ជាកត្តាចម្បងដូចគ្នា ដោយសារពេលនេះម៉ាក់ប៉ា អ៊ំៗ មានអារម្មណ៍បានក្លាយជាបន្ទុកធ្ងន់មួយក្នុងគ្រួសារ។ ករណីខ្លះ ចាស់ៗអាចនឹងបាត់បង់ការចងចាំ ជាហេតុនាំឲ្យម៉ាក់ប៉ា អ៊ំៗយើងភាន់ច្រឡំ ហេតុអ្វីបានពួកគាត់ត្រូវការជំនួយពីយើង។
២- វិធីសាស្ត្រលួងលោមចាស់ៗចចេសខ្លាំង
![](https://kampucheathmey.com/wp-content/uploads/2021/01/Old-people.jpg)
– វាយតម្លៃស្ថានភាពពួកគាត់ ដើម្បីដឹងថា ពួកគាត់ពិតជាត្រូវការជំនួយ ជាមួយជម្រើសថែទាំល្អបំផុត។
– និយាយទៅកាន់ម៉ាក់ប៉ា អ៊ំៗ ពេលពួកគាត់កំពុងសម្រាក ព្រោះកាន់តែងាយស្រួលសម្រាប់គាត់ព្រមទទួលយកជំនួយពីយើង។
– សួរយោបល់ពីគាត់ តើគាត់ចង់បានការថែទាំប្រភេទណា ឬក៏ត្រូវការសមាជិកគ្រួសារជាអ្នកមើលថែផ្ទាល់? មិនគួរនិយាយអ្វីច្រើនទេ ព្រោះបំពេញគ្រប់តម្រូវការមនុស្សចាស់គឺពិបាកណាស់ យើងគ្រាន់តែស្ដាប់ពួកគាត់ និងមើល ថាតើអ្វីខ្លះយើងអាចធ្វើបាន។
– ប្រើភាសាសាមញ្ញៗ ព្រោះមនុស្សចាស់អាចមានបញ្ហាពិបាកយល់។ គួរព្យាយាមពន្យល់គ្រប់យ៉ាងឲ្យសាមញ្ញបំផុត តាមអាចធ្វើបាន ដើម្បីចៀសវាងធ្វើឲ្យម៉ាក់ប៉ា អ៊ំៗយើងយល់ច្រឡំ។
– ទទួលជំនួយពីសមាជិកគ្រួសារដទៃទៀត។ បើយើងមិនអាចបញ្ចុះបញ្ចូលពួកគាត់បាន សមាជិកដទៃទៀតក្នុងគ្រួសារ អាចលួងលោមពួកគាត់។
– កុំបោះបង់ បើគាត់មិនចង់និយាយរឿងនេះជាមួយយើងក៏ដោយ អាចព្យាយាមលើកយករឿងនេះនៅពេលក្រោយទៀត។
៣- យុទ្ធសាស្ត្រយកឈ្នះចិត្តចចេសចាស់ៗ
![](https://kampucheathmey.com/wp-content/uploads/2021/01/k-199-pom-8008wf-PP5DMU7-1024x683.jpg)
– ជំរុញទឹកចិត្តម៉ាក់ប៉ា អ៊ំៗឲ្យសាកល្បងអ្វីគាត់មិនចង់ តែក៏មិនចាំបាច់បង្ខំពួកគាត់ឲ្យសម្រេចចិត្តភ្លាមៗដែរ។ អាចគ្រាន់តែស្នើឲ្យពួកគាត់សាកល្បងផ្តល់ឱកាសឲ្យនរណាម្នាក់ថែទាំពួកគាត់ គឺបានហើយ។
– ត្រូវប្រាប់ម៉ាក់ប៉ា អ៊ំៗថា ទទួលការថែទាំ មិនមែនធ្វើសម្រាប់ពួកខ្លួនពួកគាត់ទេ គឺដើម្បីយើងជាកូនចៅដូចគ្នា។ ប្រាប់ម៉ាក់ប៉ា អ៊ំៗយើង បើទទួលការមើលថែពីអ្នកដទៃ អាចជួយឲ្យជីវិតយើងងាយស្រួលជាងមុន និងសប្បាយរីករាយ។ ពន្យល់ពួកគាត់ឲ្យដឹងថា ពេលខ្លះសម្រុះសម្រួលគ្នា ជារឿងចាំបាច់។
– ប្រាប់ពីថ្លៃចំណាយសម្រាប់សេវាថែទាំ ព្រោះករណីខ្លះ ចាស់ៗបដិសេធមិនទទួលយកការថែទាំព្រោះបារម្ភថាកាន់តែធ្វើឲ្យយើងត្រូវចំណាយប្រាក់សម្រាប់ពួកគាត់ថែមមួយកម្រិតទៀត។ បើមានការធានារ៉ាប់រង ឬមូលនិធិដទៃទៀត ដើម្បីជួយរ៉ាប់រងលើថ្លែចំណាយ ត្រូវតែឲ្យម៉ាក់ប៉ា អ៊ំៗបានដឹង។
– ក្នុងករណី ការមានះរបស់ពួកគាត់ កាន់តែធ្វើឲ្យធ្លាក់ក្នុងស្ថានភាពគ្រោះថ្នាក់ ចាំបាច់ត្រូវស្វែងរកជំនួយពីអ្នកជំនាញ ព្រោះអាចជួយឲ្យម៉ាក់ប៉ា អ៊ំៗយើង ទទួលយកដំបូន្មានមាន និងយល់ពីចំណុចវិជ្ជមានច្រើនពន្យល់របស់អ្នកជំនាញ ទទួលយកការថែទាំងនេះ៕
អត្ថបទផ្ដល់សិទ្ធិដោយ Hello Krupet
ចុចអាន៖ មើលឲ្យហើយ! ពេលចាស់ទៅ ក្នុងខ្លួនយើងប្រែប្រួលម៉េចខ្លះ?
ចុចអាន៖ អាយុលើស៦០ហើយ គួររៀនប្រើបច្ចេកវិទ្យា Internet ដែរអត់?
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត