ទទួលទានខ្ទឹមសរាល់ថ្ងៃ ​ដឹងពី​មហាអត្ថប្រយោជន៍ទំាងនេះ​ដែរ? – Kampuchea Thmey Daily
Connect with us

KPT+

ទទួលទានខ្ទឹមសរាល់ថ្ងៃ ​ដឹងពី​មហាអត្ថប្រយោជន៍ទំាងនេះ​ដែរ?

Published

on

ខ្ទឹមជាឱសថ! ពាក្យទាំងនេះ ត្រូវបាន​គេនិយាយតជំនាន់នៅអឺរ៉ុប ក៏​ជាពាក្យល្បីល្បាញចេញ​ពីគ្រូពេទ្យជនជាតិក្រិចបុរាណដែលត្រូវបានគេផ្តល់នាមថា បិតានៃថ្នាំបុរាណ​នៅ​លោកខាងលិច។

តាមពិតគឺវាចេញមក​ពីបទពិសោធន៍ ដែល​គាត់ធ្លាប់ចេញវេជ្ជបញ្ជារយក​ខ្ទឹមសព្យាបាលជំងឺផ្សេងៗបានជោគជ័យ។

រីឯ វិទ្យាសាស្ត្រសម័យថ្មីនេះក៏​រឹត​តែ​បានបញ្ជាក់ពីផលជាច្រើនអំពី​ខ្ទឹម​ស​ចំពោះសុខភាពដែរ ពិសេសគឺពេល​វាឆ្លងកាត់​បំពង់រំលាយអាហារហើយ ក៏​ធ្វើដំណើរពាសពេញរាងកាយនិង​បញ្ចេញឥទ្ធិពល​ជីវសាស្ត្រដ៏ខ្លាំងក្លាផ្តល់សារធាតុចិញ្ចឹមខ្ពស់ ប៉ុន្តែមានកាឡូរីតិចណាស់ តែមានជីវជាតិ​ចិញ្ចឹម​សឹងមិនគួរឱ្យជឿ។ ត្បិតតែវាហាង​និងក្លិនខ្លាំង​តែ​ខ្ទឹមស សម្បូរ​ទៅដោយវីតាមីន C វីតាមីន B6 និងម៉ង់ហ្គាណែសជួយការពារ ប្រឆាំងនឹងជំងឺផ្តាសាយទូទៅព្រមទំាង​ជួយជំរុញមុខងារនៃ​ប្រព័ន្ធភាពស៊ាំផង។

ការសិក្សាដ៏ធំមួយដែលមានរយៈពេល ១២ សប្តាហ៍បានរកឃើញថាការបន្ថែមខ្ទឹមសប្រចាំថ្ងៃក្នុងរបបអាហារ បានកាត់បន្ថយជំងឺ​ផ្តាសាយក្នុងអាកាសធាតុអាក្រក់ បាន ៦៣% បើប្រៀបធៀបទៅនឹងការប្រើថ្នាំ placebo (ប្រភព 6Trusted) ។

ចំណែក​ដែលថា ខ្ទឹមសអាចកាត់បន្ថយសម្ពាធឈាម ជំងឺសរសៃឈាម ការគាំងបេះដូងនិងជំងឺដាច់សរសៃឈាមខួរក្បាល ពិតជា​ត្រូវបានគេជឿ​ជាក់ ដោយសារគ្រាប់ខ្ទឹមមានឥទ្ធិពលយ៉ាងសំខាន់ក្នុងការកាត់បន្ថយសម្ពាធឈាមចំពោះអ្នកដែលមានជំងឺលើសឈាម (ប្រភព 9Trusted ) ។ ជាក់ស្តែង តាម​ការសិក្សា ខ្ទឹមសពី ៦០០ ទៅ ​១.៥០០ មីលីក្រាមមានប្រសិទ្ធភាពដូចថ្នាំ Atenolol មួយប្រអប់ដែល​អាច​កាត់បន្ថយសម្ពាធឈាមបានដល់​២៤ សប្តាហ៍ (ប្រភព 12Trusted) ។

ខ្ទឹមស ក៏ថែមទំាង​​ចូលទៅ​បំផ្លាញ កម្រិត​កូលេស្តេរ៉ុល បន្ថយហានិភ័យនៃ​ជំងឺបេះដូង បន្ទាបជាតិខ្លាញ់ ប្រឆាំងអុកស៊ីតកម្ម ការពារជំងឺវង្វេងស្មារតី ពន្យារ​ដំណើរការចាស់ជរាកាត់បន្ថយហានិភ័យនៃជំងឺខួរក្បាលទូទៅ ដូចជាជំងឺភ្លេចភ្លាំង ជំងឺវង្វេង (ប្រភព 21Trusted, ប្រភព 22Trusted) ។

ការសិក្សាផ្សេងទៀតបានបង្ហាញថាការអស់កម្លាំងក្រោយ​ការធ្វើលំហាត់ប្រាណ ក៏​អាចត្រូវបានកាត់បន្ថយដោយឥទ្ធិពលនៃខ្ទឹមសដែរ។

ស្ត្រីដែលអស់រដូវ ទទួលទានខ្ទឹមសស្ងួតមួយគ្រាប់ជារៀងរាល់​ថ្ងៃ ៗ ស្មើជួយ​បំពេញ​កង្វះអរម៉ូន​អ៊ឹស្ត្រូសែន (ប្រភព 30Trusted) បង្កឱ្យ​មានឥទ្ធិពលល្អចំពោះសុខភាពឆ្អឹងស្ត្រី​វ័យចាស់​ផង​។

អាហារដូចជាខ្ទឹមសនិងខ្ទឹមបារាំងក៏អាចមានប្រសិទ្ធិភាព ពន្យា​ការវិវត្តរ៍នៃជំងឺរលាកសន្លាក់ឆ្អឹងផងដែរ៕

ប្រែសម្រួល៖ ឡាហ្សូលី

ចុចអាន៖ ញ៉ាំអាហារតិច កាឡូរីមិនគ្រប់គ្រាន់ ធ្វើឲ្យ​ប៉ះពាល់សុខភាពច្រើន​យ៉ាង

ចុចអាន៖ រកអីទៀត? ញ៉ាំតែផ្លែក្រូចជាប្រចាំក៏មានសុខភាពល្អដែរ!

ចុច Like Facebook កម្ពុជាថ្មី

ព័ត៌មានជាតិ36 mins ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ40 mins ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ59 mins ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ2 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ2 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម