KPT+

៧យ៉ាងដ៏ស្មុគស្មាញអំពីបងប្អូនបង្កើត រួមមាន IQ និងភាពលំអៀងនៃឳពុកម្តាយ

បានផុស

៤ years មុន

នៅ

ថ្ងៃសៅរ៍ ៧ វិច្ឆិកា ២០២០

ដោយ

បងប្អូនជាពាក្យដែលយើងបានឮតាំងពីដឹងក្ដីមក ទោះបីជាគ្មានបងប្អូនក៏ដោយ។ បងប្អូនជាមនុស្សដែលស្គាល់យើងតាំងពីតូច ក៏ជាមនុស្សដែលធ្លាប់ឈ្លោះគ្នានិងចែករំលែករឿងរ៉ាវជាច្រើនជាមួយយើងផងដែរ។

ជួនកាលទំនាក់ទំនងសាច់ញាតិជិតស្និទ្ធនេះ អាចប្រេះឆា ហើយជួនកាលក៏ល្អជានឹងគ្នារហូតដល់ចាស់រៀងខ្លួន។ ប៉ុន្តែមិនថាយើងមានបញ្ហាអ្វីនឹងគ្នាទេ ការពិតទាំង ៧ នេះពិតជាមិនអាចប្រកែកបាននោះឡើយក្នុងនិស្ស័យជាបងប្អូន។

តោះ មកអានទាំងអស់គ្នា!

១. បុរសស្ត្រីមានបងប្អូនប្រុស-ស្រី មានទំនាក់ទំនងល្អជាមួយភេទផ្ទុយ

ការសិក្សាបានបង្ហាញថា បុរសដែលធំធាត់ជាមួយបងប្អូនស្រីច្រើនតែធ្វើល្អចំពោះនារីឬក្មេងស្រីច្រើនជាងអ្នកដែលធំធាត់ជាមួយបងប្អូនប្រុសដូចគ្នា។ ស្រដៀងគ្នានេះដែរ ស្ត្រីដែលមានបងប្អូនប្រុសច្រើនតែមានទំនោរធ្វើល្អជាមួយក្មេងប្រុស។ លក្ខណៈពិសេសបន្ថែមទៀតសម្រាប់អ្នកណាដែលមានបងប្អូនប្រុស-ស្រី គឺឆាប់និយាយត្រូវគ្នាជាមួយភេទផ្ទុយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. កូនច្បងច្រើនតែមានកម្រិត IQ ខ្ពស់ និងរៀនភាសាឆាប់ចេះ

ជាទូទៅ កូនច្បងតែងតែមានកម្រិត IQ ខ្ពស់ជាងប្អូនៗ និងរៀនភាសាបានរហ័ស ពីព្រោះពួកគេបានទទួលការយកចិត្តទុកដាក់ ថែទាំទាំងស្រុងពីឪពុកម្ដាយមុនគេ។

៣. កូនកណ្ដាលរមែងទទួលបានការយកចិត្តទុកដាក់ពីឪពុកម្តាយច្រើនជាងបង

កូនកណ្តាលឬកូនទី២ ច្រើនតែទទួលបានការមើលថែខ្លាំងជាងបង ដោយសារឪពុកម្ដាយយល់ថា កូនច្បងបានថែទាំមកច្រើនហើយ ដូច្នេះពួកគាត់ផ្ដល់ការយកចិត្តទុកដាក់លើប្អូនវិញម្ដង។ ម្យ៉ាងដោយសារកូនច្បងធំដឹងក្ដីច្រើនណាស់ដែរ។

៤. កូនពៅច្រើនតែងរងក់ដើម្បីទទួលចំណាប់អារម្មណ៍

យុទ្ធសាស្ត្រ និងមន្តស្នេហ៍របស់កូនពៅ គឺព្យាយាមធ្វើជាក្មេងតូចជាងគេនៅក្នុងផ្ទះដោយងងក់ និងញ៉ិកញ៉ក់។ ប៉ុន្តែគេជាមនុស្សម្នាក់ដែលធ្វើឲ្យគ្រួសារមានសំណើចនិងសប្បាយរីករាយ ព្រោះគេគួរឲ្យស្រឡាញ់និងសមតែបានការថ្នាក់ថ្នម។

៥. ទ្រព្យសម្បត្តិជាបុព្វហេតុធំបំផុតនៃជម្លោះក្នុងចំណោមបងប្អូន

ទ្រព្យសម្បត្ដិគឺជាបញ្ហាដ៏ធំបំផុតរបស់បងប្អូនបង្កើត។ តាមការស្រាវជ្រាវបង្ហាញថា ៨០% នៃការឈ្លោះគ្នានៅក្នុងផ្ទះផ្ទុះឡើងដោយសារជម្លោះទ្រព្យសម្បត្តិ។ បញ្ហានេះអាចមកពីឪពុកម្ដាយដែរ ដែលមិនបែកចែកទ្រព្យឲ្យកូនៗទទួលបានស្មើគ្នា។

៦. ជម្លោះឪពុកម្តាយអាចធ្វើឲ្យទំនាក់ទំនងបងប្អូនកាន់តែរឹងមាំ

ប្រសិនឪពុកម្ដាយមានជម្លោះមិនថាជាការប្រើហិង្សា ឬលែងលះគ្នាក្ដី ទំនាក់ទំនងបងប្អូននឹងកាន់តែរឹងមាំជាងមុន ព្រោះតែពួកគេចេះយកចិត្តទុកដាក់ជាមួយគ្នា និងចេះមើលថែគ្នាបានល្អ ខណៈមិនបានទទួលភាពកក់ក្ដីពីឪពុកម្ដាយ។

៧. ឪពុកម្ដាយមិនប្រព្រឹត្តចំពោះកូនស្មើៗគ្នាទេ

ទង្វើឪពុកម្ដាយទូទៅមិនផ្ដល់ឲ្យកូនបានស្មើៗភាពគ្នាទេ ពីព្រោះពួកគេជាមនុស្សខុសគ្នា ហើយមានតម្រូវការផ្សេងគ្នា។ ឧទាហរណ៍ អាយុជាកត្តាមួយជំរុញលើបញ្ហាលម្អៀងនេះ ដោយសារកូនច្បងធំជាង ដូច្នេះគេទទួលបានសិទ្ធិនិងសេរីភាពច្រើន រីឯកូនបន្ទាប់ឬកូនពៅមានអាយុតិច គេត្រូវបានហួងហែងខ្លាំង៕

ប្រែសម្រួល៖ សន្យា

ប្រភព៖ parenting ideas

ចុចអាន៖ស្ត្រីសម័យទំនើប មានគ្រប់លក្ខណា រមែងប្រកាន់ចរិយាមារយាទប៉ុន្មាននេះជាប់ខ្លួន

ចុចអាន៖កុំធ្វើសកម្មភាព៥នេះ បើអ្នកមិនស្រលាញ់នាងស្មោះ ហើយមិនចង់ឱ្យនាងយំ

Related Topics:គ្រួសារ